વૈષ્ણોદેવી જવા ઇચ્છતા શ્રદ્ધાળુઓ માટે સૌથી મોટી ખુશખબરી!

ભારતભરમાં વૈષ્ણોદેવીના શ્રદ્ધાળુઓ માટે ખુશખબરી છે. કટડા રેલવે સ્ટેશન ઉપર સમગ્ર તૈયારી પુરી થઈ ગઈ છે. ઉધમપુર પાસે ટનલનુ એક કામ પુરૂ થતાની સાથે જ ભારતભરના શ્રદ્ધાળુઓ સીધા કટડા જઈ શકશે. આટલું જ નહીં, જમ્મુ આવનારી 90% ટ્રેનો અહીંયા પહોંચશે. રેલવેએ કટડામાં ટ્રેનોની વૉશિંગ લાઇન બનાવી છે, આનાથી જમ્મુ સ્ટેશનનો ભાર પણ ઓછો થશે.

અત્યારે માત્ર ઉધમપુર સુધી જ ટ્રેનો ચાલે છે. સમસ્યા છે કે ઉધમપુરમાં વૉશિંગ લાઇનો નહીં હોવાના કારણે બે થી ત્રણ ટ્રેનો જ અહીં સુધી આવે છે અને બાકી ટ્રેનોની અવર-જવર જમ્મૂથી થાય છે.

વર્લ્ડ ક્લાસમાં થશે પ્રખ્યાતઃ
કટડા સ્ટેશન વર્લ્ડ ક્લાસમાં પ્રસિદ્ધ થશે. સ્ટેશન સુધી પહોંચવા માટે મુસાફરોને લિફ્ટની સાથે-સાથે એસ્કલેટરની સુવિધા પણ મળશે.

સ્ટેશનનું કામ લગભગ પુરૂ થઈ ગયુ છે.

શ્રદ્ધાળુઓને કોઈ સમસ્યા ન સર્જાય તે માટે લગભગ 170 રિટાયરિંગ રૂમ તૈયાર કરવામાં આવ્યા છે. સ્ટેશનના નિર્માણ ઉપર 20 કરોડ રૂપિયાનો ખર્ચ કરવામાં આવ્યો છે. અત્યાધૂનિક ટેક્નોલોજીથી સજ્જ આ સ્ટેશને વિશ્વસ્તરની સુવિધાઓ પુરી પાડવામાં આવી છે.

આ માટે ખાસ છે કટડા સ્ટેશન
કટડા સ્ટેશન ખાસ્સી ઉંચાઈએ છે. મુસાફરોને સ્ટેશનથી પ્લેટફોર્મ સુધી પહોંચવા માટે લિફ્ટ અને એસ્કલેટરની સુવિધા મળી રહેશે. સંભાવના છે કે સ્ટેશન ઉપર દરરોજ 20 થી 30 હજાર મુસાફરોની અવર-જવર થશે.

સ્ટેશન પર કેવી-કેવી સુવિધાઓ મળશે.
- દેશી-વિદેશી વ્યંજન અને ફાસ્ટફૂડ
- શૉપિંગ મોલ અને કેટલીય બ્રાન્ડેડ કંપનીઓના શોરૂમ
- આકર્ષક ફર્નિચર અને ખાણીપીણી માટેની વિશેષ સુવિધા
- સ્ટેશનમાં દરેક જગ્યાએ માતા વૈષ્ણોદેવીની તસવીરો
- ટ્રેનોની સુચના સાથે માતા વૈષ્ણોદેવીનો જયકારો પણ બોલાશે
- કેટલીક ટ્રેનોને વૈષ્ણોદેવી અને કટડાનું નામ આપવામાં આવ્યું છે
- આ ઉપરાંત અહીં ત્રણ વધુ પ્લેટફોર્મ પણ બનાવાયા છે.
- અત્યાધૂનિક સુવિધાઓ મળશે

આ સ્ટેશન ભારતના પસંદગીપાત્ર સ્ટેશનોમાંથી એક હશે. મુસાફરોને અહીંયા અત્યાધુનિક સુવિધાઓ મળશે. અહીંયા દેશના દરેક ખુણે લોકો આવી શકશે. રેલવે મુસાફરોને કોઈ તકલીફ ન પહોંચે તેની ખાસ દેખરેખ રાખશે. સ્ટેશન પર વૉશિંગ લાઇન હોવાથી જમ્મુથી આવનારી ટ્રેન કટડા પહોંચશે.