ઓકસફર્ડ યુનિવર્સિટીએ પણ સ્વીકાર્યું યોગ શ્રેષ્ઠ છે

 

ઓકસફર્ડ યુનિવર્સિટીના પ્રોફેસર માર્ક વિલિયમ્સે સ્વીકાર્યું છે કે યોગ માનસિક બીમારીઓ દૂર કરવા માટે શ્રેષ્ઠ ઉપાય છે. કલીનિકલ સાઈકોલોજીસ્ટ પ્રોફેસર માર્ક અને તેમના સાથી વિજ્ઞાનીના જણાવ્યા અનુસાર મેડિટેશન એક વૈજ્ઞાનિક સાઈકોથેરપી છે. એક અભ્યાસમાં મેડિટેશન કરનારા લોકોનું બ્રેન સ્કેનિંગ કરવામાં આવ્યું.

તેના દ્વારા જાણવા મળ્યું કે તાણ વધે એ સંજોગોમાં મેડિટેશન પૂરી રીતે તાણને ઘટાડે છે. વૈજ્ઞાનિકોના જણાવ્યા અનુસાર મગજનો એક ભાગ વિચારે છે અને બીજો ભાગ અનુભવે છે. જીવનના સામાન્ય કામોમાં વિચારવાળો હિસ્સો વધુ સક્રિય હોય છે જ્યારે કંઈક ખરાબ થાય ત્યારે અનુભવવાળો હિસ્સો વધારે સક્રિય થઈ જાય છે. અનુભવ કરવાથી વિચારની પ્રક્રિયા ઝડપી બની જાય છે. બન્ને એક-બીજાને વધારતા જાય છે.