આ મોબાઇલ કંપનીએ ભારતમાં બંધ કરી પોતાની સર્વિસ!

- 2જી પર સુપ્રીમ કોર્ટનો નિર્ણય આવ્યા બાદ એતિસલાતે ભારતમાંથી પોતાનો વેપાર સમેટી લીધો
- કંપનીના ભારતમાં 17 લાખ ગ્રાહકો
- દેશમાં 15 સર્કલોમાં પોતાની સર્વિસ, તેમાં આંધ્રપ્રદેશ, ગુજરાત, હરિયાણા, પંજાબ, કર્ણાટક, કેરલ અને મહારાષ્ટ્ર સામેલદેશમાં આ કંપનીના 17 લાખ ગ્રાહકોને જબરજસ્ત ઝાટકો લાગ્યો છે. કારણ કે આ વિદેશી કંપનીએ ભારતમાંથી પોતાના બિલ્ત્રા પોટલા સમેટી લીધા છે. અમે વાત કરી રહ્યા છીએ અરબ અમીરાતની એતિસલાત કંપનીની. 2જી પર સુપ્રીમ કોર્ટનો નિર્ણય આવ્યા બાદ એતિસલાતે ભારતમાંથી પોતાનો વેપાર બંધ કરવાની જાહેરાત કરી દીધી છે.

કંપનીના ભારતમાં 17 લાખ ગ્રાહકો છે. 2જી સ્પેક્ટ્રમ મામલામાં સુપ્રીમ કોર્ટે 122 લાઇસન્સ રદ કર્યા હતા. એતિસલાતનો એતિસલાત ડીબીમાં 45 ટકા હિસ્સો હતો. તમને જણાવી દઇએ કે આ મામલાથી અસર પામેલી અન્ય એક કંપની બહેરીન ટેલિકોમે પણ એસ ટેલમાં પોતાનો 42.7 ટકા હિસ્સો વેચીને ભારતમાંથી પોતાનો વેપાર બંધ કરી દીધો છે.

એતિસલાત ડીબી કંપની દેશભરના 15 સર્કલોમાં પોતાની સર્વિસ આપી રહ્યું હતું. તેમાં આંધ્રપ્રદેશ, ગુજરાત, હરિયાણા, પંજાબ, કર્ણાટક, કેરલ અને મહારાષ્ટ્ર સામેલ છે.