જમીનમાંથી નીકળતા ગેસથી ઓલપાડમાં ભય વ્યાપ્યો

 

 

સુરતના ઓલપાડમાં જમીનમાંથી ગેસ નીકળવાને પગલે રહિશોમાં ભય વ્યાપ્યો છે. બનાવની જાણ થતાં ઓએનજીસી દ્વારા તપાસ હાથ ધરવામાં આવી હોવાનું જાણવા મળી રહ્યું છે. નોંધનીય છે કે અગાઉ ઓલપાડમાં જમીનમાંથી પાણીના ફૂવારા છૂટવાને પગલે ગભરાટ વ્યાપ્યો હતો.

આ અંગે મળતી પ્રાથમિક માહિતી અનુસાર સુરતના ઓલપાડમાં અનેક વિસ્તારોમાં જમીનમાંથી ગેસ નીકળી રહ્યો છે. દિવાસળી ચાંપતા આ ગેસ ભડકે પણ બળી રહ્યો હોવાનું સૂત્રો પાસેથી જાણવા મળી રહ્યું છે. હાલમાં તો આ અંગે ઓનએનજીસી દ્વારા તાત્કાલિક તપાસ શરૂ કરી દેવામાં આવી હોવાનું પણ જાણવા મળી રહ્યું છે.