લોહી વગર અને રોકાયેલા ધબકારા સાથે જન્મ્યો હતો એ...

 

જન્મના સમયે તેના શરીરમાં જરાય લોહી નહોતું તેના ધબકારા પણ માંડ માંડ ચાલતા હતા
સમય કરતા પહેલા જન્મેલા બાળકના જીવનમાં એ પળ ઘણી ચમત્કારિક સાબિત થઈ જ્યારે જિંદગીની જંગ સામે ઝઝૂમ્યા પછી 15 મિનિટ બાદ અચાનક તે શ્વાસ લેવા લાગ્યો. આ બાળકનો જન્મ સમય કરતા 10 અઠવાડિયા પહેલા થઈ ગયો હતો. જન્મના સમયે તેના શરીરમાં જરાય લોહી નહોતું, તેના ધબકારા પણ માંડ માંડ ચાલતા હતા.

મિલ્ટન કીનેસ હોસ્પિટલમાં પેદા થયેલા આ બાળકની 30 વર્ષીય મા જૂલી ગિલાર્ડ અને પિતા રોઝે જણાવ્યું હતું કે જનમ્યા પછી આ બાળકને બચાવવાના મરણિયા પ્રયાસો કરવામાં આવ્યા હતા. આશરે 10 મિનિટ સુધી ડોક્ટરો બાળકની છાતીમાં પંપિંગ કરતા રહ્યા હતા. આ દરમિયાન તેમણે ઈન્જેક્શન મારફતે તેને એડ્રેનેલિનના ડોઝ પણ આપ્યા હતા.

ડોક્ટરોએ બાળકના મા-બાપને જણાવ્યુ હતું કે જો આગલા બે દિવસ સુધી બાળકના ધબકારા નહીં ચાલે તો તેનું બ્રેઇન ડેમેજ થવાનું જોખમ છે અને જો આવું થશે તો તેને ફરીથી બચાવી શકાશે નહીં, તેમ છતાં ફરીથી એક ચમત્કાર થયો અને આશરે 12 મિનિટ પછી બાળકે ફરીથી શ્વાસ લીધા.

હવે લગભગ 5 અઠવાડિયા પછી હોસ્પિટલની નિયોનેટલ યુનિટની દેખભાળ પછી બાળકની તબિયત એકદમ સ્વસ્થ છે. આવતા સપ્તાહે તેના મા-બાપ તેને ઘરે પણ લઈ જઈ શકશે. ડોક્ટરો આ બાળકા જીવનને ખરેખર એક ચમત્કાર જ ગણાવે છે.