જાતે જ પોતાની માનુ શબ શોધ્યુ અને...

 

 

29 વર્ષ પહેલા ગુમ થયેલી પોતાની માતાને શોધી રહેલા એક વ્યક્તિએ આખરે જાતે જ તેનો પત્તો મેળવી લીધો હતો અને શોધી કાઢ્યુ હતુ કે તેની માતાનું ખૂન કરીને તેને એક તળાવમાં નાખી દેવામાં આવી હતી.

અમેરિકાના મિશિગનના ગ્રાન્ડ બ્લાન્કનો રહેવાસી જેફ અર્લે તેની માતા ગુમ થઈ ત્યારે માત્ર નવ વર્ષનો હતો અને પોલીસ આ કેસ ઉકેલી ન શકી છતાં પણ તેણે હાર માન્યા વગર પોતાની માતાની શોધ ચાલુ રાખી હતી.

જેફે પોતાની માતાની શોધ સતત ચાલુ રાખી હતી અને એક દિવસ તેણે ખોળી કાઢ્યું હતું કે ફ્લોરિડાના ગલ્ફ કોસ્ટની નજીકથી એક અજાણી મહિલાની લાશ મળી આવી હતી જેની ઓળખ છતી થઈ શકી નહોતી. આ લાશના ડીએનએ નમૂનાઓને આધારે જ જેફને તે લાશ તેની માતાની હોવાની જાણ થઈ હતી.

પોસ્કો કંટ્રીના શેરીફ ક્રિસ નોક્કોએ આ અંગે જણાવ્યુ હતુ કે માતાના પ્રેમ અને તેની હઠને કારણે જ જેફ તેની માતાના સગડ મેળવી શક્યો હતો અને તેના કારણે જ અમે આ કેસને ઉકેલી શક્યા હતા.

બે વર્ષ પહેલા જેફની પત્ની જૂલીએ ઓળખી ન શકાઈ હોય તેવી લાશોની માહિતી આપતી વેબસાઈટ ચેક કરી હતી. તેણે આ વેબસાઈટ પર જેફની ગુમ થયેલી મા એમી રોઝ હર્સ્ટની વિગતો પણ અહીં અપડેટ કરી હતી જે સપ્ટેમ્બર 1982માં ગુમ થઈ હતી. સદ્દનસીબે તેમને જે માહિતી અપડેટ કરી હતી તેની સાથે મેચ થતી એક લાશ મળી આવી હતી અને 29 વર્ષથી ચાલતી તેમની શોધનો આખરે અંત આવ્યો હતો.