અચારી પનીર

 

 

અચારી પનીર

સામગ્રી:

400 ગ્રામ પનીર ટુકડા કરેલા
1/2 લીલા કેપ્સિકમ
1/2 યલો કેપ્સિકમ
1/2 રેડ કેપ્કિકમ
2 ચેરી ટોમેટો

ગ્રેવી માટે

2 ટેબલસ્પૂન તેલ
1 ટીસ્પૂન લસણની પેસ્ટ
1 ટીસ્પૂન આદુની પેસ્ટ
2 ટેબલસ્પૂન લાલ મરચાંની પેસ્ટ
2 કપ ટોમેટો પ્યૂરી
1/4 ટીસ્પૂન મેથીના દાણા
2 ટીસ્પૂન કેરીનું અથાણું
1/2 ટીસ્પૂન લાલ મરચાંનો પાવડર
1 ટીસ્પૂન ગરમ મસાલો
મીઠું સ્વાદ અનુસાર
1 ટીસ્પૂન લીલા ધાણા સમારેલા

રીત:

- પનીર અને કેપ્સિકમને ટુકડામાં સમારીને બાજુમાં રાખી દો.

- ગ્રેવી માટે એક પેનમાં તેલ ગરમ કરો અને તેમાં આદુ-લસણની પેસ્ટ, લાલ મરચાંની પેસ્ટ અને ટોમેટો પ્યૂરી ઉમેરો.

- તેમાં બાકીની સામગ્રી, મીઠું, મેથીના દાણા ઉમેરીને 8-10 મિનીટ સુધી ઉકળવા દો.

- હવે તેમાં પનીર અને કેપ્સિકમના ટુકડા ઉમેરીને બરાબર મિક્સ કરો.

- તેમાં કેરીનું અથાણું અને મસાલા ઉમેરો.

- એક સર્વિંગ પ્લેટમાં જીરા રાઈસ સાથે અચારી પનીર સર્વ કરી શકો છો.