ટેસ્ટિ ટમાટર દાળ

 

સામગ્રી:

ટમેટા 2

1 નાની ડુંગળી

1 કપ તુવેર દાળ

લસણ 2 કળી

આદુ 1 ઈંચનો ટુકડો

લીલા મરચા 4

આંબલી 2 ઈંચનો ટુકડો

હળદર પાવડર એક ચપટી

લીલા ધાણા

મીઠું સ્વાદ માટે

મસાલો:

રાયના દાણા 1/4 ટેબલસ્પૂન

જીરું 1/4 ટેબલસ્પૂન

અડદની દાળ 1/4 ટેબલસ્પૂન

સૂકા લાલ મરચાં 4

લીમડાના પત્તા 5

તેલ 1 ટેબલસ્પૂન

રીત:

તુવેરની દાળને ધોઈને પાણી અને કચરો કાઢી લો,

બધા જ ટમેટાને ધોઈને નાના ટુકડામા કાપી લો.

લીલા મરચાંને ધોઈને સ્લાઈસમાં કાપી લો.

લસણની કળીને છોલીને પેસ્ટ કરી લો.

આદુને ધોઈને છાલ ઉતારીને પેસ્ટ કરી લો.

આંબલીને અડધા કપ ગરમ પાણીમાં ડૂબાડીને એનું પાણી નિતારી લો.

લીલા ધાણાને ધોઈને સમારી લો.

તુવેર દાળ, ટમેટા અને લીલા મરચાંને એક જ વાસણમાં મૂકો.

તુવેર દાળ, ટમેટા અને લીલા મરચાંને પ્રેશર કુકરમાં 2 કપ પાણી સાથે 3 સીટી થાય ત્યા સુધી પકાવો.

એક પેનમાં તેલ ગરમ કરો અને પછી બધો જ મસાલો ઉમેરો.

જયારે રાયના દાણા ફૂટી જાય એ પછી લસણ અને આદુની પેસ્ટ અને બાકી રહેલા મરચાં અને ડુંગળી ઉમેરો.

જ્યા સુધી ડુંગળીનો રંગ બદલાવા લાગે ત્યા સુધી સાંતડો.

પછી તેમા બાફેલી તુવેર દાળ, ટમેટા, આંબલીનું પાણી અને હળદર ઉમેરો.

ધીમી આંચ પર 5 મિનીટ સુધી પકાવો અને પછી ઉતારી લો.

લીલા ધાણાથી ગાર્નિશ કરીને ટેસ્ટિ ટમાટર દાળને ભાત અને પાપડ સાથે સર્વ કરો.