આઈરિને ન્યૂયોર્કનો એવો તો ખુરદો બોલાવ્યો કે...

- ગઈકાલે ન્યૂયોર્ક પર ત્રાટક્યું હતું આઈરિન
- શહેરમાં દરિયો લટાર મારવા આવ્યો હોય તેવા દ્રશ્યો સર્જાયા
- ભીડમાં વ્યસ્ત રહેતું ન્યૂયોર્ક ભેંકાર બની ગયું
- ટ્રેન સેવાઓ હજુય બંધ

જગતની આર્થિક રાજધાની ન્યૂયોર્કમાં ગઈકાલે વાવાઝોડું આઈરિન ત્રાટકતા આખુંય શહેર ભેંકાર બની ગયું હતું અને દરિયો શહેરમાં ઘૂસી ગયો હોય તેમ ઠેરઠેર પાણી ભરાયા હતા અને દરિયાઈ જીવો પણ શહેરમાં આવી ગયા હતા.

વાવાઝોડાએ એવી તો તબાહી મચાવી હતી કે કેટલાક સ્થળો તો જાણે હોલિવૂડની ફિલ્મના સેટ હોય તેવી હાલતમાં આવી ગયા હતા. ઘટનાની તસવીરો પણ એટલી ખતરનાક છે કે તેને જોઈને લાગે કે આ કોઈ ફિલ્મી સીન હશે.

શહેરની ટ્રેન સેવાઓ ખોરવાઈ ગયા ઉપરાંત રસ્તાઓ પણ સુમસામ થઈ ગયા હતા અને જ્યાં એક જગ્યાએ હૈયુ દળાય તેવી ભીડ હતી તે સ્થળો પર કોઈ ફરકતું પણ નહોતુ. ભારે પવન ફૂંકાવાને કારણે વીજળીના થાંભલાઓ તેમજ વૃક્ષો પડી જવાની પણ અનેક ઘટનાઓ નોંધાઈ હતી. વળી, શહેરમાં વીજળીનો પુરવઠો પણ અટવાયો હતો.

અમેરિકા અને ન્યૂયોર્કમાં વાવાઝોડાએ વેરેલા વિનાશની કેટલીક તસવીરો