મસાલા ખીચડી

મસાલા ખીચડી

સામગ્રી:

ચોખા - ૨ કપ

તુવેરની દાળ - ૧ કપ

ગાજર - ૧ નંગ

વટાણા - ૧૫૦ ગ્રામ

તજ - ૪ નંગ

લવિંગ - ૨-૪ નંગ

આખા લાલ મરચાં - ૨ નંગ

હળદર - અડધી ચમચી

મરચું - ૧ ચમચી

ગરમ મસાલો - ૧ ચમચી

જીરું - પા ચમચી

રાઇ - પા ચમચી

આદું-લસણની પેસ્ટ - દોઢ ચમચી

તેલ - ૨ ચમચા

પાણી - જરૂર પ્રમાણે

રીત:

દાળ અને ચોખાને ધોઇ એક કલાક માટે પલાળી રાખો.

જો લીલા વટાણા ન મળે તો સૂકા વટાણાને પાણીમાં પલાળી રાખી તેનો ઉપયોગ કરી શકો.

તેલ ગરમ કરી તેમાં રાઇ-જીરાંનો વઘાર કરો અને બધી સામગ્રી તેમાં નાખીને સાંતળો.

તેમાં બધા શાક નાખી થોડી વાર હલાવો અને દાળ-ચોખા ઉમેરી દસેક મિનિટ રહેવા દો.

આમાં પાંચ કપ પાણી રેડી કૂકરમાં ત્રણ સીટી વાગે ત્યાં સુધી રાખી આંચ પરથી ઉતારી લો.

કઢી સાથે ગરમાગરમ ખીચડી ખાવ.