રાંધણ છઠ્ઠ નિમિત્તે બનાવો દહીંવડા

 

 

કાલે ઠંડુ ખાવાનું છે તો આજે બનાવો દહીંવડા

સામગ્રી :-

વડા માટે
2 કપ અડદની દાળ
1 કપ મગની દાળ
1 ચપટી હિંગ
1 ટી સ્પૂન અધકચરું વાટેલું જીરુ
1 કપ દહીં
1/2ટેબલ સ્પૂન લીલા મરચાની પેસ્ટ (તીખું કરવું હોય તો જ)મીઠું સ્વાદ પ્રમાણે
તેલ તળવા માટે

દહીં માટે
1 કિલો દહીં
200 ગ્રામ ખાંડ
1/2 કપ ખજૂર આમલીની મીઠી ચટણી
2 ટેબલ સ્પૂન દાડમના દાણા
1 ટેબલ સ્પૂન જીરુ, સંચળ, મરીનો મિક્સ પાવડર
1 ટેબલ સ્પૂન લાલ મરચું

રીત :-

-બન્ને દાળને ધોઈને અલગ અલગ પલાળો. 6 થી 7 કલાક પલાળ્યા પછી તેને મિક્સરમાં વાટી લો. ઘટ્ટ ખીરું બનાવો.

-હવે આ ખીરામાં 1 ચમચો દહીં નાખીને એક થી દોઢ કલાક રહેવા દો.

-હવે તૈયાર થયેલા ખીરામાં હિંગ, લીલા મરચાંની પેસ્ટ, મીઠું અને અધકચરુ વાટેલું જીરુ ઉમેરીને સારી રીતે ભેળવી લો.

-હવે ગરમ તેલમાં તળી તેના વડા ઉતારો. બાજુમાં એક વાસણમાં પાણી ભરેલું રાખો. વડા તળાઈ જાય એટલે તેને પાણીમાં નાખતા જાઓ. -30 થી 40 સેકન્ડ પાણીમાં ડૂબાડી રાખ્યા પછી એક પછી એક તેને દબાવીને પાણી નિતારી લો. અને બાઉલમાં મૂકો.

-બીજા એક વાસણમાં દહીં અને ખાંડ ભેળવી લો. અને તેને ઠંડું કરવા 30 મિનિટ સુધી ફ્રીજમાં મૂકો

-પીરસતી વખતે એક પ્લેટમાં વડા પાથરો અને વડા ઢંકાઈ જાય તે રીતે તેના ઉપર દહીં રેડીને ફેલાવી લો.

-થોડી ખજૂર આમલીની ચટણી પણ નાખો. હવે તેની ઉપર જીરુ, સંચળ, મરીનો પાઉડર અને લાલ મરચાનો પાઉડર છાંટો. અને છેલ્લે દાડમના દાણા નાખીને પીરસો.

- અહીં અડદની દાળ વપરાતી હોવાથી ખીરામાં હિંગ અને પીરસતી વખતે મરીના પાઉડરનો ઉપયોગ કરવાથી પચવામાં સરળતા રહે છે.