અંદાજો તો લગાવો કેટલી હશે આ મોબાઈલની કિંમત?

જો આપ લેટેસ્ટ સ્માર્ટ ફોન લેવા જઈ રહ્યાં છો તે પણ નવો જ લેટેસ્ટ એપ્લિકેશન, ગેમ્સ અને એસેસરીઝ વાળો ફોન તો એક વખત આ ફોન અને તેની કિંમત પર નજર કરી લો.

આ છે કસ્ટમાઈઝ ફોન એટલે કે એવા ફોન જે ખાસ કસ્ટમરની ડિમાન્ડ પર ડિઝાઈન કરવામાં આવ્યાં છે આ છે દુનિયાના સૌથી મોંઘા ફોનની એક તસવીરી ઝલક

 

*ગોલ્ડસ્ટ્રીકર આઈફોન 3જીએસ સુપ્રિમ- 14,40,00,000 રૂપિયા વર્ષ 2009માં આ ફોનને ડિઝાઈન કરવામાં આવ્યો હતો. 200 હિરા જડીત આ ફોન 22 કેરેટ સોલીડ ગોલ્ડનો આ ફોન 271 ગ્રામ વજન ધરાવે છે. આ 3જીએસ આઈ ફોનમાં 7.1 કેરેટનો હિરો એપ્પલના લોગો પર જડેલો છે તેની કિંમત રૂપિયા 14,40,00,000 છે.

 

*ગોલ્ડવિશ લી મિલીયન- 5,80,00,000 રૂપિયા સ્વિસ ડિઝાઈનર એમ્યુનલ ગિલ્ટે આ ફેન્સી ફોન ડિઝાઈન કર્યો છે તેના પર 20 કેરેટ VVS1 હીરા જડેલાં છે એટલું જ નહીં તે 18 કેરેટ વ્હાઈટ ગોલ્ડનો બનેલો છે. વર્ષ 2006માં તૈયાર થયેલો આ ફોન ઘણો પસંદ પણ પામ્યો હતો તેની કિંમત 5,80,00,000 છે.

 

*ડાઈમન્ડ ક્રાપ્ટો સ્માર્ટફોન- 5,80,00,000 રૂપિયા ઓસ્ટ્રેલિયન જ્વેલર પેટર અલોસનએ આ ફોન મોસ્કોની કંપની જેએસસી એનકોર્ટના માલિક માટે ડિઝાઈન કર્યો હતો. પ્લેટિનમ બેઈઝ આ ફોનમાં 50 જેટલાં હિરા જડેલાં છે. જેમાંના 8 હિરા તદ્દન વિશેષ એવા બ્લુ ડાઈમન્ડ છે. એનકોર્ટનો લોગો અને નેવિગેશન કી 18 કેરેટ રોઝ ગોલ્ડમાંથી બનાવવામાં આવી છે. આ ફોનની કિંમત પણ 5,80,00,000 રૂપિયા છે.

 

*વેર્ટુ સિગ્નેચર કોબ્રા-1,40,00,000 રૂપિયા ખુબજ લિમીટેડ એડિશનનો આ ફોન ફ્રેન્ચ જ્વેલરી હાઉસ બોચરોનમાં ડિઝાઈન કરવામાં આવ્યો છે. ધ કોબ્રા વ્હાઈટ રાઉન્ડ ડાઈમન્ડથી બનેલો છે. 2 કેરેટ પિઅર કટ હિરાથી તૈયાર કરવામાં આવેલા આ ફોન પર 439 માણેક જડેલા છે. દેખાવે થોડો વિચિત્ર દેખાતા આ ફોનની કિંમત રૂપિયા 1,40,00,000 છે.

 

*VIPN બ્લેક ડાઈમન્ડ સ્માર્ટફોન- 1,35,00,000 રૂપિયા સિંગાપોર બેઈઝ ડિઝાઈનર જરેન ગોહએ આ નવો ફોન ડિઝાઈન કર્યો છે. જેની બોડી ટિટેનિયમ પોલીકારબોનેટ મટિરીઅલમાંથી બનાવવામાં આવી છે. મિરર ફિનીશ ધરાવતો આ ફોન તદ્દન એલિગન્ટ લુક ધરાવે છે. આ ફોનની કિંમત 1,35,00,000 રૂપિયા છે.

 

*આઈફોન પ્રિન્સેસ પ્લસ- 80,00,000 રૂપિયા પિટર એલોસન દ્વારા તૈયાર કરવામાં આવેલા આ ફોન પર 318 હિરા જડેલાં છે. જેમાંથી 138 હિરા પ્રિન્સેસ કટના બનાવવામાં આવ્યાં છે. તે ઉપરાંત તે 18 કેરેટ વ્હાઈટ ગોલ્ડમાંથી બનાવવામાં આવ્યો છે. તેની કિંમત 80,00,000 રૂપિયા છે.

 

*વેર્ટુ ડાઈમન્ડ -40,00,000 રૂપિયા પાંચ વર્ષ પહેલાં તૈયાર કરવામાં આવેલો આ ફોન અલ્ટ્રા લક્ઝ્યુરી ફોન એટલો સિમ્પલ છે કે તેમાં કેમેરા જેવો સામાન્ય ફિચર પણ નથી. પણ હિરા જડિત આ ફોનની કિંમત 40,00,000 રૂપિયા છે.