આ તસવીરો જોઈને આપના રૂંવાડા ઉભા થઈ જશે

જોતા જ ધ્રુજારી છૂટી જાય તેવી આ તસવીરો સ્વિટ્ઝરલેન્ડના થીજી ગયેલા સાસોલો લેકમાં લેવામાં આવી હતી. ફોટોગ્રાફર ફ્રાંકો બેનફીએ ઝીરોથી પણ નીચેના તાપમાને જીવના જોખમે સાસોલો લેકમાં જઈને આ અફલાતૂન તસવીરો લીધી હતી.

ઉલ્લેખનીય છે કે શિયાળા અને ઉનાળાના તાપમાનમાં ફેરફાર થતો હોવાથી ગ્લેશિયરોનો આકાર બદલાતો હોય છે તેમજ પાણીમાં તરતા ગ્લેશિયરના અંદરના ભાગોમાં અદ્દભૂત આકારની ગુફાઓ તેમજ ખાંચાઓ સર્જાતા હોય છે.

ફોટોગ્રાફરે જણાવ્યુ હતુ કે માઈનસ બે કે ત્રણ ડિગ્રી તાપમાનમાં ગ્લેશિયરોની અંદર ઘૂસીને ફોટોગ્રાફી કરવી આસાન વાત નથી. એમાંય જો તમને આ પ્રકારનો અનુભવ ન હોય તો આ કામ વધુ મુશ્કેલ બની જાય છે.

વળી, આ ફોટોગ્રાફી કરતી વખતે તમારા માથા પર કેટલો બરફ રહેલો છે એ પણ જાણી નથી શકાતું. કેટલીકવાર તો બરફનું આવરણ પાતળું હોવાના કારણે તેના તૂટી પડવાથી મોટો અકસ્માત થવાની પણ પુરી શક્યતા રહેલી છે.

વળી, શિયાળાના મહિનાઓમાં આ ગ્લેશિયરો સંકુલિત થઈ જાય છે અને વસંત ઋતુમાં તેમાં ભંગાણ પડે છે તેમજ તિરાડો અને તસવીરોમાં દેખાય છે તેવી ગુફાઓ સર્જાય છે.