સુરતી ઉંધિયુ

 

 

સુરતી ઉંધિયુ

શિયાળો અને તેમાં પણ ઉત્તરાયણના તહેવારમાં ઉંધિયાની મજા જ કંઈ ઓર હોય છે

સામગ્રી:

100 ગ્રામ, સુરતી પાપડી આખી
100 ગ્રામ, કાચા કેળાના ટુકડા
100 ગ્રામ શક્કરિયા, છાલ ઉતારેલા
100 ગ્રામ રતાળુના ટુકડા
100 ગ્રામ, રિંગણ, બે ભાગમાં સમારેલા
4-5 લીલા મરચા
1 ટીસ્પૂન આદુની પેસ્ટ
1/2 ટીસ્પૂન લસણ પીસેલુ
1 ટેબલસ્પૂન લીલા ધાણા ઝીણા સમારેલા
1 ટેબલસ્પૂન ઘઉંનો લોટ
4 ટેબલસ્પૂન તેલ
1/4 ટીસ્પૂન હીંગ
1/2 ટીસ્પૂન હળદર
1 ટીસ્પૂન અજવાઈન
મીઠું સ્વાદ અનુસાર
1/2 ટેબલસ્પૂન ખાંડ
લીંબુનો રસ

મુઠિયા માટે:

100 ગ્રામ મેથીના પાન, ઝીણા સમારેલા
1/2 કપ ચણાનો લોટ
1 ટીસ્પૂન લાલ મરચાનો પાવડર
1 ટેબલસ્પૂન લીલુ નાળિયેર
મીઠું, સ્વાદ અનુસાર
1 ટેબલસ્પૂન તેલ

રીત:

મુઠિયા:

- મુઠિયા માટેની બધી જ સામગ્રીને મિક્સ કરીને તેમાંથી કણક બાંધો. તેમાંથી નાના મુઠિયા વાળો.

- 1/4 કપ જેટલુ તેલ ગરમ કરો અને તેમાં મુઠિયાને 2 મિનીટ જેટલી વાર સુધી તળીને બાજુમાં રાખી દો.

ઉંધિયુ:

- લીલા મરચા, આદુ, લસણ અને લીલા ધાણાની પેસ્ટ બનાવો.

- શક્કરિયા, રતાળુ અને રિંગણને આ પેસ્ટમાં રગળીને 30 મિનીટ સુધી મેરિનેટ થવા માટે રહેવા દો.

- 4 ટેબલસ્પૂન તેલ ગરમ કરો અને તેમાં મેરિનેટ કરેલા બધા શાકભાજી ઉમેરીને બરાબર હલાવો. ઢાંકીને 4-5 મિનીટ સુધી પાકવા દો.

- હવે તેમાં પાપડી, હળદર, ઘઉંનો લોટ, અજવાઈન અને મીઠું ઉમેરો. ફરીથી ઢાંકીને ધીમી આંચ પર બધા શાકભાજી ચઢી ન જાય ત્યા સુધી પાકવા દો.

- લીલા ધાણા, લીંબુનો રસ અને જરૂર પડે તો થોડુ પાણી ઉમેરો. સ્વાદ પ્રમાણે ખાંડ ઉમેરો અને બરાબર મિક્સ કરો.

- ત્યાર બાદ તેમાં તળેલા મેથીના મુઠિયા ઉમેરો અને ઢાંકીને રાખો અને લગભગ 8-10 મિનીટ સુધી પાકવા દો. જ્યા સુધી શાકભાજીમાં મસાલો અને સ્વાદ બેસી ન જાય અને તે ચઢી ન જાય ત્યા સુધી તેને પકાવો.

- જો ઈચ્છો તો તેના પર થોડી સેવ ભભરાવો અને ગરમા ગરમ પૂરી સાથે સર્વ કરો.

તૈયાર છે સુરતી ઉંધિયુ.

 

Previous Story

 

Next Story

મકાઈના ઢોકળા