તલ-શીંગની ચીક્કી

 

 

ઘરે બનાવો તલ શીંગની ચીક્કી

સામગ્રી:

1 કપ છીણેલો ગોળ
1/2 કપ તલ
1/2 કપ શીંગ નો ભૂકો
2 ટેબ.સ્પૂન સુકા કોપરા નું છીણ
3 ટેબ.સ્પૂન સુંઠ પાવડર
ગ્રીસીંગ માટે ઘી

રીત:

-સૌપ્રથમ તલ ને સાફ કરી ને શેકી લો.
-શીંગ ને શેકી,છોડા કાઢી ચીલી કટર માં ભૂકો કરી લો.
-સુકા કોપરા ની છીણ ને ધીમા તાપે શેકી લો.
-હવે એક કઢાઈ માં ગોળ લઇ ધીમા તાપે ગરમ કરો,
-બરોબર ઓગળી જાય એટલે તેમાં તલ,શીંગ,કોપરા ની છીણ અને સુંઠ પાવડર નાખી તરત જ ગેસ બંધ કરી લો.
-બરાબર હલાવી ને પછી ઘી લગાડેલી થાળી માં પાથરી બરોબર ફેલાવી દો.
-વ્યવસ્થિત ચક્તા પાડી લો. ઠંડુ થાય એટલે તવેથા વડે ઉખાડી ને ડબ્બા માં ભરી દો.