પૈસા માટે કૂતરાંને પણ બનાવી દીધા બંધક

 

322000 ડોલરની ખંડણી માટે બીજા વેપારીના 4 કૂતરાંને બંધક બનાવ્યા 21 જુલાઈના રોજ ઈયાન લાજારના ઘરેથી તેમના 4 કૂતરાંનુ અપહરણ કરી લેવામાં આવ્યુ હતું
શું તમે ક્યારેય સાંભળ્યું છે કે પૈસા માટે કોઈ કૂતરાંનુ અપહરણ કરી લેવામાં આવ્યું હોય? આવી જ એક અજીબોગરીબ ઘટના ઓસ્ટ્રેલિયામાં બની છે. લાખો ડોલરનો સોદો તૂટી ગયા પછી પ્રતિદ્વંદી વેપારીઓએ 322000 ડોલરની ખંડણી માટે બીજા વેપારીના 4 કૂતરાંને બંધક બનાવી લીધા.

21 જુલાઈના રોજ ઈયાન લાજારના ઘરેથી તેમના 4 કૂતરાંનુ અપહરણ કરી લેવામાં આવ્યુ હતું. તે પછી ત્રીજા પક્ષના માધ્યમથી લાજારને કહેવામાં આવ્યુ હતું કે તે પોતાના કૂતરાંને પાછા ખરીદી લે નહીંતર એક પછી એક તેમને ગળુ દબાવીને મારી નાંખવામાં આવશે. લાજારનું માનવું છે કે તેમના વ્યાપારિક પ્રતિદ્વંદીઓએ પકડી રાખ્યા છે.