ક્યુબામાં થયા સૌથી પહેલા સમલૈંગિક લગ્ન

 

 

તેમના લગ્ન ક્યુબાના પૂર્વ રાષ્ટ્રપતિ ફિદેલ કાસ્ટ્રો માટે એક ભેટ છે

તેમણે જે દિવસે લગ્ન કર્યા છે, તે કાસ્ટ્રોનો જન્મદિવસ પણ છે

ક્યુબામાં થયેલા સૌથી પહેલા સમલૈંગિક લગ્નમાં એક પુરુષ અને એક ટ્રાન્સજેન્ડર મહિલાએ શનિવારે લગ્ન કરી લીધા છે. ક્યુબામાં સમલૈંગિક લગ્નો ગેરકાયદેસર છે, પરંતુ દુલ્હન વેંડી એરિપ્પા કાયદેસર એક મહિલા છે. વેંડીએ 2007માં એક ઓપરેશન કરાવીને પોતાનું લિંગ પરિવર્તન કરાવ્યુ હતુ. ક્યુબામાં લિંગ પરિવર્તનને કાયદેસર માન્યતા પ્રાપ્ત થઈ છે.

વેંડીના મંગેતર ઈગ્નેશિયો ઈસ્ટ્રાડા ક્યુબામાં સમલૈંગિક મેરેજના સમર્થનમાં કામ કરી રહેલા લોકોમાં એક જાણીતું નામ છે. ઈગ્નેશિયો એચઆઇવી પોઝિટિવ પણ છે. વર-વધૂનું કહેવુ છે કે તેમના લગ્ન ક્યુબાના પૂર્વ રાષ્ટ્રપતિ ફિદેલ કાસ્ટ્રો માટે એક ભેટ છે, કારણ કે તેમણે જે દિવસે લગ્ન કર્યા છે, તે કાસ્ટ્રોનો જન્મદિવસ પણ છે.

સમલૈંગિક પુરુષ અને સ્ત્રી, દ્વિલિંગી અને ટ્રાન્સજેન્ડર લોકો ક્યુબામાં કેટલાય વર્ષોથી સરકારી ભેદભાવના શિકાર રહ્યા છે અને ક્રાંતિના શરૂઆતના દિવસોમાં આવા કેટલાય લોકોને શ્રમશિબિરોમાં મોકલી દેવામાં આવતા હતા, જ્યાં તેમના ક્રાંતિ વિરોધી મૂલ્યોને ખતમ કરી દેવામાં આવતા હતા.