80 દિવસ એરપોર્ટ પર વિતાવી બનાવ્યો એક રેકોર્ડ

 

આ સ્પર્ધા એરપોર્ટની 80મી વર્ષગાંઠ પર આયોજિત કરવામાં આવી હતી

આ અનોખી કોન્ટેસ્ટનું મીડિયાની મદદથી બે અઠવાડિયા સુધી અભિયાન ચલાવવામાં આવ્યુ હતું

એક કેનેડિયન વ્યક્તિએ વેનકુંવર ઈન્ટરનેશનલ એરપોર્ટ પર 80 દિવસ રહેવાની એક કોન્ટેસ્ટ જીતી છે. 29 વર્ષીય જેયગર માહને એરપોર્ટની લાઇવએટવાયવીઆર કોન્ટેસ્ટનો વિજેતા જાહેર કરવામાં આવ્યો છે. આ સ્પર્ધા એરપોર્ટની 80મી વર્ષગાંઠ પર આયોજિત કરવામાં આવી હતી.

કેનેડાના બીજા સૌથી મોટા એરપોર્ટ પર રહેવાની આ અનોખી કોન્ટેસ્ટનું મીડિયાની મદદથી બે અઠવાડિયા સુધી અભિયાન ચલાવવામાં આવ્યુ હતું. જો કે અહીંયા રહેવાનો અનુભવ એટલો જ કપરો હશે, જેટલો 2004માં આઈ મુવી ધ ટર્મિનલમાં ટોમ હેંક્સ માટે હતો. તે ફિલ્મમાં ટોમે એક અપ્રવાસીની ભૂમિકા ભજવી હતી, જેને એક એરપોર્ટ પર રહેવુ પડે છે.

ફેરમોન્ટ વેનકુંવર એરપોર્ટ હોટલ પર જેયગરને એક રૂમ અને દિવસમાં 3 વખત જમવાનું આપવામાં આવશે. આ દરમિયાન જેયગરે એક બ્લોગ લખવાનો રહેશે અને દર અઠવાડિયે ડબલ્યુડબલ્યુડબલ્યુ ડોટ લાઇવએટવાયવીઆર ડોટ સીએ ડોટ વેબસાઇટ પર 90 સેકંડના ચાર વીડિયો નાંખવાના રહેશે. તેણે જણાવ્યું હતું કે તેણે માત્ર પોતાનો સિક્યોરિટી પાસ લીધો જેથી તે એરપોર્ટની બધી ગુપ્ત જગ્યાઓ પર જઈ શકે. તેના માટે આ કોન્ટેસ્ટ જીતવી એ કોઈ લોટરી જીતવાથી કમ નથી.