ગોબી મન્ચુરિયન

 

 

ગોબી મન્ચુરિયન

સામગ્રી:

ફૂલગોબી, 1
મેંદો, 1/4 કપ
કોર્નફ્લોર, 3 ટીસ્પૂન
આદુ-લસણની પેસ્ટ, 3 ટીસ્પૂન
લીલી ડુંગળી, 1 જૂડી
લાલ મરચાનો પાવડર, 1/4 ટીસ્પૂન
લાલ મરચા, 2
તેલ, 3 ટીસ્પૂન
દૂધ, 1 ટીસ્પૂન
પાણી, 1-1/4 કપ
સોયા સોસ, સ્વાદ અનુસાર
મીઠું, સ્વાદ અનુસાર

રીત:

1. ફૂલગોબીને ધોઈને ટુકડા કરી લો. લીલી ડુંગળની ઝીણી સમારી લો.

2. ફૂલગોબીના ટુકડાને પાણીમાં બાફી લો. આ પાણીમાં દૂધ ઉમેરો. 3 મિનીટ પછી ફૂલગોબીના ટુકડાને પાણીમાંથી કાઢીને નિતારી લો.

3. મેંદો અને કોર્નફ્લોર મિક્સ કરો. તેમાં લાલ મરચાંનો પાવડર, 1/2 ટીસ્પૂન આદુ-લસણની પેસ્ટ અને મીઠું ઉમેરીને બરાબર મિક્સ કરો.

- એક પેનમાં તેલ ગરમ કરો. તેમાં ફૂલગોબીના ટુકડાને મેંદાના તૈયાર ખીરામાં બોળીને તેલમાં તળીને બાજુમાં રાખી દો.

- લાલ મરચાનો ક્રશ કરી લો. બાકીની આદુ-લસણની પેસ્ટ અને ક્રશ કરેલા લાલ મરચાંને તેલમાં ઉમેરો અને લાઈટ બ્રાઉન થાય ત્યાં સુધી સાંતળો.

- તેમાં લીલી ડુંગળી અને મીઠું ઉમેરીને બરાબર મિક્સ કરો. એક મિનીટ સુધી સાંતળો. તેમાં પાણી ઉમેરો અને તેને ઉકળવા દો.

- હવે વધેલા કોર્નફ્લોરને 1/4 કપ પાણીમાં મિક્સ કરો. આ મિશ્રણને ગ્રેવીમાં ઉમેરો. જ્યા સુધી આ ગ્રેવી ટ્રાન્સપરન્ટ ન થવા લાગે ત્યા સુધી ઉકાળો.

- ફૂલગોબીના તૈયાર કરેલા મન્ચુરિયન અને સોયા સોસને ગ્રેવીમાં મિક્સ કરો. 2 મિનીટ સુધી ઉકળવા દો.

- તૈયાર છે ફૂલગોબી મન્ચુરિયન. સર્વ કરો રાઈસ સાથે.