આપણા સમાજ માટે થપ્પડરૂપ છે આ તસવીર

 

 મારો ડબો છલકાય એટલે બસ
ઝાલાવાડની માથે મેઘાએ મનભરીને હેત વરસાવ્યું છે અને આથી જ જળાશયોમાં પાણી હિલોળા લઇ રહ્યું છે. પાણી માટે રઝળપાટ કરતી જનતાનું જળસંકટ દૂર થયું હોવાનું તંત્ર રટણ કરી રહ્યું છે. ઝાલાવાડના ઘર-ઘર સુધી પાણી પહોંચી ગયું હોવાના દાવા થઇ રહ્યા છે.

આવા સમયે જળસંકટ દૂર થયાની મસમોટી જાહેરાત કરતા નેતા અને અધિકારીઓ માટે દૂધરેજના રસ્તા પરથી લેવામાં આવેલી આ તસવીર તમાચારૂપ છે. લારીમાં નળીની મદદથી પાણી ભરતી આ બાળાને ખબર નથી કે અમારી તરસ છીપાવવા મસમોટી રકમની ફાળવણી થઇ હશે અને આ રકમનો જશ અનેક ખાદીધારીએ લીધો હશે.

તેને તો બસ એટલી જ ચિંતા છે કે, નળીમાંથી આવતુ પાણી બંધ થાય તે પહેલા મારા અધુરા વાસણો ભરાઇ જાય ! ભર ચોમાસે પણ ઝાલાવાડની બાળાની પાણી માટેની રઝળપાટ કહેવાતા પ્રજાના સેવકો અને અધિકારીઓની નજરે ચડશે.?