6 કલાક સુધી ચિમનીમાં ફસાઈ રહ્યો આ બાળક

આ બાળક ભૂલથી પાડોશીના ઘરની ચિમનીમાં ઘૂસી ગયો હતો ચિમનીની દિવાલ કાપીને બાળકને સકુશળ બહાર કાઢી લેવાયો છે
પશ્ચિમ અમેરિકાના ઉટાહમાં બનેલી ઘટનામાં ચમત્કારિક રીતે એક બાળકને બચાવી લેવામાં આવ્યો છે. આ બાળક ભૂલથી પાડોશીના ઘરની ચિમનીમાં ઘૂસી ગયો હતો અને લગભગ 6 કલાક સુધી ત્યાં ફસાયેલો રહ્યો હતો. 8 વર્ષના સ્ટીફન હૂપકિન્સે જણાવ્યુ હતું કે ખાવાનુ અને પાણી શોધતા શોધતા તે પોતાના પાડોશી રિચર્ડ અને સેન્ડી ડ્રેપરના ઘરની ચિમનીમાં ઘૂસી ગયો અને ફસાઈ ગયો.

શુક્રવારે રાત્રે જ્યારે રિચર્ડ અને સેન્ડી ડિનર લઈને ઘરે જઈ રહ્યા હતા, ત્યારે તેમને ચિમનીની દિવાલ પાછળથી કોઇકની ચીસોનો અવાજ સંભળાયો. પહેલા તો તેમને લાગ્યું કે પાછળના ભાગે બાળકો રમી રહ્યા હશે, પરંતુ પછી ખબર પડી કે કોઈક બાળક ચિમનીમાં ફસાઈ ગયો છે.

આ દંપતિએ તરત જ ઈમરજન્સી સર્વિસ બોલાવી અને ચિમનીની દિવાલ કાપીને બાળકને સકુશળ બહાર કાઢી લીધો. પોલીસ અધિકારીએ જણાવ્યા પ્રમાણે થોડી વાર પહેલા જ તે બાળકની માએ પોતાનો દીકરો લાપતા થયો હોવાની ફરિયાદ નોંધાવી હતી. આશરે 6 કલાક સુધી તે આ ચિમનીમાં ફસાયેલો રહ્યો હતો.

*