પેટની ચિકિત્સા માટે હવે આવી ગયા છે ફ્રી મુવીંગ જાપાની કેમેરા

ટોક્યો. હવે પેટની ચિકિત્સા ખૂબ જ સરળ બનશે કારણકે હવે એવા કેમેરા શોધાયા છે જે દેખાવમાં બિલકુલ કોઈ કેપ્સુલ જેવા લાગે છે પરંતુ તેને ગળતા જ તે શરીરનાં અંદરના ભાગમાં જઈ ફોટા પાડીને બીમારી કે સુઝન જેવી માહિતી આપી શકે છે .આ કેમેરા રીમોર્ટ કન્ટ્રોલથી ચાલતા હોવાથી બહારથી તેને ઓપરેટ કરીને જે જગ્યાના ફોટા પાડી જાણકારી મેળવવી હોય તે તરફ શરીરમાં અંદર કેમેરો લઈ જઈ શકાય છે.

જાપાનીઝ સાયન્ટીસ્ટ અને મેડિકલ રીસર્ચસે જણાવ્યુ કે અમે દુનિયાના સૌથી પહેલા કેમેરા બનાવવામાં સફળ રહ્યાં છીએ ,જે કેપ્સુલની સાઈઝનાંછે ,જે ખૂબ આસાનીથી શરીરમાં ઉતરીને તરી શકે છે અને માનવીય પાચનક્રીયામાં પણ અવરોધક નથી તે સહેલાઈથી પચાવી પણ શકાય છે. પશ્ચીમ જાપાનના ઓસાકા મેડીકલ કોલેજનાં એક રીસર્ચર કાઝુહિડે હીંગુચી જણાવે છે કે, આ કેમેરાનો આકાર એવો છે કે
તેને સરળતાથી દવાની જેમ ગળી શકાય અને તે સરળતાથી શરીરમાં ફરી શકે છે. જેનાથી અલગ અલગ ફોટા લઈ શકાય છે. આ પહેલા પણ કેપ્સુલ કેમેરા શોધાયા હતા, પરંતુ તેમાં સરળતાથી શરીરમાં ફરી શકે તેવા કે ડાયજેસ્ટ થઈ શકે તેવાકેમેરાની શોધ નહોતી થઈ.

રાયકોકુ યુનિવર્સિટીએ આ કેપ્સ્ય્લ કેમેરાને રીમોર્ટ કન્ટ્રોલવાળૉ અને મેગ્નેટીક બનાવ્યો જેથી તે શરીરમાં અલગ અલગ જગ્યાએ મોકલીને ફોટા પાડી શકાય. અને તેના દ્વારા ચિકિત્સા થઈ શકે. હીગચુઈ જણાવે છે કે આ કેપ્સુલ કેમેરાથી પરીક્ષણ કરી લીધા બાદ તેને સામાન્ય ખાદ્યપદાર્થની જેમ ડાય્જેસ્ટકરીને શરીરની બહાર કાઢી શકાય છે. હજી આ કેમેરા પર રીસર્ચની પ્રક્રીયા ચાલુ હોવાથી તેને પ્રેક્ટીકલ યુઝમાં લેવામાં થોડાક વર્ષો લાગી જશે.