આવા ચમકતા ડાયનાસોર તમે ક્યાંય જોયા છે?

આ તસવીરો આજના સમયમાં ડાયનાસોરને જીવંત બનાવી દે છે

ડાયનાસોર ભલે સાડા 6 કરોડ વર્ષ પહેલા ખતમ થઈ ગયા હોય, તેમ છતાં એક કલાકારે માત્ર ટોર્ચ અને લોન્ગ એક્સપોઝર ફોટોગ્રાફીના આધારે તેમને ફરી વખત જીવતા કરી બતાવ્યા છે, અમેરિકાના લોસ એન્જલસમાં રહેતા ડેરેન પીઅર્સને આ સુંદર સ્કેલેટન બનાવ્યા છે.

એક સિંગલ તસવીરમાં તેઓ આટલુ બધુ કઈ રીતે સમાવી દે છે, તે ખરેખર આશ્ચર્યની વાત છે. 2007માં ડેરેનને ફોટોગ્રાફીનો શોખ લાગ્યો હતો અને 2008થી તેઓ લાઇટ ફોટોગ્રાફી કરી રહ્યા છે. તેઓ જણાવે છે કે જોન મિલી નામના કલાકારની એક આવી જ તસવીર પિકાસો ડ્રોઝ અ સેન્ટર જોયા પછી તેમને આ ચસ્કો લાગ્યો હતો.

ડેરેન જણાવે છે તે આ કળા માટેનું સૌથી અઘરૂ કામ જગ્યા શોધવાનું છે. તેને અંધારાવાળી જગ્યા શોધવાની હોય છે. લોસ એન્જલસમાં તેના માટે ખાસ્સુ દૂર જવુ પડે છે. ડેરેન અને તેમની કળા વિશે વધારે જાણકારી તેમની વેબસાઇટ પર મળે છે.