ફેસબુક-ટ્વિટર શાંતિ સ્થાપવામાં મદદરૂપ થઈ શકે

 

 

સામાજિક અશાંતિ દરમિયાન ફેસબુક અને ટ્વિટર જેવી સોશિયલ સાઈટ્સ શાંતિ સ્થાપવામાં કેવી રીતે મદદરૂપ થઈ શકે તેની ચર્ચા કરવા આ બંને સાઈટના ટોચના અધિકારીઓ આજે બ્રિટિશ પ્રધાન-અધિકારીઓને મળ્યા હતા. તોફાનો દરમિયાન આવી સોશિયલ સાઈટ્સ બંધ કરવાનાં પગલાંને બદલે પોલીસ તેનો ઉપયોગ કરીને નાગરિકોને કેવી રીતે માહિતગાર રાખી શકે તથા કાયદો તોડનારાઓને કેવી રીતે પકડી શકાય તે અંગે બ્રિટિશ ગૃહપ્રધાન સાથે ચર્ચા કરવામાં આવી હતી.

સામાજિક અશાંતિના સમયે કેટલાક તોફાનીઓ સોશિયલ સાઈટ ઉપર ગેરમાહિતી ફેલાવીને તોફાનો વકરાવતા હોય છે. આવા સંજોગોમાં જે-તે સત્તાવાળાઓ માટે ફેસબુક-ટ્વિટર માથાનો દુખાવો બની જાય છે અને અધિકારીઓ તેને બંધ કરવાના વિકલ્પો વિચારતા હોય છે, પરંતુ બંને સાઈટના સંચાલકોએ કહ્યું કે તેમની સાઈટ વાસ્તવમાં રચનાત્મક ભૂમિકા ભજવી શકે છે. બેઠકમાં બ્લેકબેરી સ્માર્ટ ફોનના પ્રતિનિધિઓ પણ હાજર હતા.