અપનાવો આ કેટલીક બ્યૂટિ ટિપ્સ

 

 

- ચહેરા અને ગળાના ભાગમાં વધારે પડતી કરચલી હોય તો દૂધ અને દીવેલને સરખા પ્રમાણમાં ભેળવીને ત્વચા પર માલિશ કરવાથી કરચલી દૂર થાય છે.

- ચોમાસામાં ભેજના કારણે વાળ ચીકણા વધારે થઇ જાય, ત્યારે લસણ વાટી તેનો રસ કાઢી ગરમ કરી વાળના મૂળમાં લગાવવાથી વાળ સુંવાળા રહેશે.

- વાળને અકાળે સફેદ થતા અટકાવવા માટે રોજ રાત્રે તુલસીના પાંચ પાન પાણીમાં પલાળી સવારે નરણા કોઠે પાન અને પાણી બંને સાથે પી જવાં.

- ચોમાસામાં તૈલી ત્વચા ધરાવતા લોકોએ ક્રીમનો ઉપયોગ ઓછો કરવો અને કોમ્પેકટ પાઉડર લગાવવો. ક્રીમ ન લગાવવાથી ત્વચા વધારે ચીકણી થતી અટકે છે.

- ત્વચા વધારે શુષ્ક બની ગઇ હોય તો કેળાંને છુંદીને તેનાથી હળવા હાથે માલિશ કરવાથી ત્વચા સુંવાળી બનશે.

- જો તજાગરમી હોય અને ચોમાસામાં પણ પગના તળિયામાં પરસેવો થતો હોય, તો બૂટ, સેન્ડલ કે ચંપલ પહેરતી વખતે તળિયે ટેલકમ પાઉડર લગાવી દેવો.

- હથેળીની ચામડી બરછટ થઇ ગઇ હોય તો રોજ રાત્રે સૂતી વખતે હથેળી પર ઘી લગાવી મસાજ કરવું. આનાથી હથેળીની ચામડી કોમળ થઇ જશે.