કેનને બજારમાં ઉતાર્યો હિન્દી દિશા-નિર્દેશવાળો કેમેરો ઇ-800

નવી દિલ્હી. કેમેરા બનાવતી જાપાનની અગ્રણી કંપની 'કેનન'ની ભારતીય એકમ કેનન ઇંડિયા પ્રા.લિમિટેડના મધ્યમ વર્ગના શહેરો અને ગામડાઓમાં પગ જમાવવા માટે હિન્દીમાં દિશા નિર્દેશ આપવાવાળો કેમેરો બજારમાં ઉતાર્યો છે.

કેનન ઇંડિયાના અધ્યક્ષ તેમજ મુખ્ય કાર્યકારી અધિકારી કેનસાકૂ કોનિશીએ આજે અહીં જણાવ્યું કે, ભારતમાં કેમેરાનું ચલણ ખુબજ તેજીથી વધી રહ્યું છે. મધ્યમવર્ગના શહેરો, નગરો અને ગામડાઓમાં કેમેરાઓ ખુબજ ઝડપથી લોકપ્રિય થઇ રહ્યા છે. આને ધ્યાનમાં રાખીને કેનને હિન્દીમાં દિશા-નિર્દેશવાળા કેમેરા બજારમાં લોન્ચ કર્યા છે.

તેઓએ કહ્યું કે, આ હિન્દીમાં દિશા-નિર્દેશ દેખાડનારો કેમેરો 'ઇ-800' છે જે શરૂઆતી સ્તરનો છે. તેમાં તમામ આઘુનિક વિશેષતાઓનો સમાવેશ કરવામાં આવ્યો છે. જે ઘણાબધા રંગોમાં ઉપલબ્ધ છે. આ સિવાય આ કેમેરાને ખુબ ઝડપથી દેશભરમાં ઉપલબ્ધ કરી દેવામાં આવશે. તેઓએ કહ્યું કે અન્ય કેમેરાઓમાં પણ હિન્દીમાં દિશા-નિર્દેશનો વિકલ્પ આપવામાં આવશે.

તેઓએ જણાવ્યું કે, આ કેમેરાને ઉપયોગમાં લેવા હવે અંગ્રેજીનું જ્ઞાનની જરૂર નથી. તેઓએ વધુમાં કહ્યું હતું કે, કેનન ઇંડિયાએ વર્ષ 2015 સુધીમાં એમના બિઝનેસને એક અબજ ડોલર સુધી પહોંચાડવાનો લક્ષ્ય રાખ્યો છે. કેનન ઇંડિયાની પ્રોડ્ક્ટ્સ દેશભરમાં 400 શહેરોમાં ઉપલબ્ધ છે.