બોર્ડની પરીક્ષા બાદ મોટા ભાગના વિદ્યાર્થીઓ અને પેરેન્ટ્સને એક જ ટેન્શન હોય છે કઇ કોલેજમાં એડમશિન લેવું? જો બહારગામ એડમશિન લેવાનું હોય તો ત્યાં કઇ કોલેજ સારી છે? રહેવાનું કઇ જગ્યાએ? આવા અનેક પ્રકારના ટેન્શન હવે માત્ર એક ક્લિક દ્વારા દૂર થઇ જશે. કારણ કે ચાંદખેડામાં આવેલી વિશ્વકમૉ એન્જિનિયરિંગ કોલેજના પાંચ વિદ્યાર્થીઓએ www.mapsite.in નામની વેબસાઇટ તૈયાર કરી છે. જેમાં ગુજરાતની ૫૦૦ જેટલી કોલેજના ડેટા આપેલા છે.
ગુજરાત ટેકનોલોજી યુનિવર્સિટીની (જીટીયુ) અન્ડરમાં આવતી 500 જેટલી કોલેજની તમામ પ્રકારની જાણકારી આ વેબસાઇટ પર મૂકવામાં આવી છે. ગુજરાતના અલગ અલગ શહેર અને તેમાં આવેલી કોલેજને ગુગલ મેપ દ્વારા હાઇલાઇટ કરવામાં આવી છે. આ સાથે કોલેજના સેગમેન્ટ પ્રમાણે ઓપ્શન પણ વેબસાઇટમાં આપવામાં આવ્યા છે. આ વેબસાઇટ ઇન્ફર્મેશન ટ્ેકનોલોજીના વિદ્યાર્થી શાહ પ્રતિક, પાલા પ્રકાશ, પ્રજાપતિ ચેતન, વિજયવર્ગી મયૂર અને દવે ચિંતન દ્વારા તૈયાર કરવામાં આવી છે.
- ગુજરાતની 500 જેટલી કોલેજની માહિતી હવે માત્ર એક વેબસાઇ પરથી મેળવી શકાશે
- વિશ્વકમૉ એન્જિનિયરિંગ કોલેજના પાંચ વિદ્યાર્થીઓએ નામની વેબસાઇટ તૈયાર કરી
- 10મા અને 12મા ધોરણ પછી વિદ્યાર્થીઓએ ક્યા કોર્સ માટે કઇ કોલેજ સિલેકટ કરવી તે આ વેબસાઇટ દ્વારા સરળતાથી નક્કી કરી શકશે
આ અંગે ચિંતન દવે જણાવે છે કે, ‘વિવિધ કોલેજની જાણકારી માટે જીટીયુ દ્વારા બુકલેટ આપવામાં આવે છે પરંતુ તેમાં દરેક પ્રકારની માહિતી હોતી નથી. આ વેબસાઇટ દ્વારા દરેક કોલેજનું એજયુકેશન, અધર એક્ટિવિટી, ફેસેલિટી તથા કોલેજની નજીક ક્યા વિસ્તારો છે જયાં વિદ્યાર્થી પેઈંગગેસ્ટ તરીકે રહી શકે તે દરેક માહિતી આપવામાં આવી છે. આ સાથે દરેક કોલેજના નામ નંબર સાથે તે કોલેજની વેબસાઇટ લીંક પણ અમે અમારી વેબસાઇટ પર મૂકી છે. જેથી જે તે કોલેજની જાણકારી ઊંડાણપૂર્વક મેળવી શકાય.’
- કોલેજનો રૂટ પણ વેબસાઇટમાં જોવા મળશે
મયૂર જણાવે છે કે, ‘બીજા શહેરની કોલેજમાં એડમશિન લઇએ ત્યારે તે કોલેજનો રૂટ ખબર હોતી નથી. આ માટે બીજા શહેરના વિદ્યાર્થીઓ માટે અમે સ્પેશિયલ રૂટ પણ આપ્યા છે. જેમાં કોલેજનું નામ અને તમારું ડેસ્ટિનેશન નાંખવામાં આવે તો તેની વચ્ચેનો આખો રૂટ આવી જશે. આ ઉપરાંત એ રૂટના કિ.મી. પણ બતાવશે.
- અઢી મહિનાની મહેનત પછી તૈયાર થઇ વેબસાઇટ
આ વેબસાઇટ બનાવવા માટે વિદ્યાર્થીઓ છેલ્લાં અઢી મહિનાથી તનતોડ મહેનત કરી રહ્યા હતા. તેમણે બધી કોલેજના નંબર અને વેબસાઇટ મેળવવા માટે કોલેજનો સંપર્ક કર્યો સાથે સાથે ઇન્ટરનેટ દ્વારા પણ કેટલીક માહિતી એકઠી કરી હતી. વિદ્યાર્થીઓએ આ વેબસાઇટ પોતાની જાતે ડિઝાઈન કરી છે. જેમાં ધોરણ બાર સાયન્સ પછીની કોલેજ અને ધોરણ દસ પછી ડિપ્લોમાં કોર્સ માટે કઇ કોલેજો સારી છે તેની વધુ વિગતો આપવામાં આવી છે.
- શા માટે બની વેબસાઇટ?
આ વેબસાઇટ બનાવવા પાછળનું કારણ પુછતા વિદ્યાર્થીઓનું ગ્રૂપ જણાવે છે કે, ‘અમે બધા બીજા શહેરમાંથી અમદાવાદ ભણવા માટે આવ્યા છીએ. જ્યારે અમારે એડમશિન લેવાનું હતું ત્યારે અમને ઘણી તકલીફ પડી હતી. કઇ કોલેજમાં જવું? કઇ કોલેજનું એજયુકેશન સારું ? ત્યાં લેબ ફેસેલિટી કેવી છે? જેવી તમામ માહિતી આવનાર વિદ્યાર્થીઓને મળી રહે તે માટે અમે ખાસ આ વેબસાઇટ તૈયાર કરી છે.
Comments
Post a Comment