આ અંગે દૂરસંચાર રાજ્યમંત્રી ગુરુદાસ કામતે જણાવ્યું હતું કે," અત્યારે પંજાબ અને બિહારની કુલ 20 પોસ્ટ ઓફિસમાં આ સેવાની શરૂઆત કરવામાં આવશે. આગામી દિવસોમાં આ યોજના દેશના તમામ રાજ્યોમાં શરૂ કરવામાં આવશે, જ્યાંથી મોટી સંખ્યામાં મનીઓર્ડર કરવામાં આવે છે."

 

આ પાંચ ભાષાના ૫૦ કરોડથી વધુ લોકો લાભ લઈ શકશે

ગૂગલ ટ્રાન્સલેટ ૬૩ ભાષાને સપોર્ટ કરે છે

ઈન્ટરનેટ સર્ચ એન્જિન કંપની ગૂગલે બુધવારે ગુજરાતી સહિત નવી પાંચ ભારતીય ભાષાઓનો તેની ટ્રાન્સલેશન સર્વિસમાં ઉમેરો કરી નાખ્યો છે. ગુજરાતી ઉપરાંત બંગાળી, કન્નડ, તમિલ અને તેલુગુ ભાષાનો ગૂગલે ઉમેરો કર્યો છે. આ સાથે જ આ પાંચ ભાષાના ૫૦ કરોડ લોકો સુધી ગૂગલ તેની સર્વિસ પહોંચાડશે. ગૂગલના રિસર્ચ સાયન્ટિસ્ટ આશિષ વેણુગોપાલે કહ્યું હતું કે ‘અમે આજથી આ સેવા શરૂ કરી છે જેના દ્વારા તમે ગૂગલ ટ્રાન્સલેટ સાથે ભારતની આ ભાષાકીય વૈવિધ્યતાનો લાભ લઈ શકશો.’ ગૂગલની આ નવી પાંચ એક્સપરિમેન્ટલ આલ્ફા લેંગ્વેજને ગૂગલ ટ્રાન્સલેટ સપોર્ટ કરશે.

વેણુગોપાલે ગૂગલ બ્લોગમાં લખ્યું છે કે ‘ભારત અને બાંગ્લાદેશમાં જ ૫૦ કરોડથી વધુ લોકો આ પાંચ ભાષા બોલે છે. ૨૦૦૯થી અમે ૧૧ આલ્ફા લેંગ્વેજ લોન્ચ કરી હતી જેની સંખ્યા આજે ૬૩ થઈ ગઈ છે. ગૂગલ ટ્રાન્સલેટ આ ૬૩ ભાષાને સપોર્ટ કરે છે.’ ગૂગલ હાલમાં હિન્દી, મરાઠી, મલયાલમ અને પંજાબી એ ભારતીય ભાષાની ટ્રાન્સલેશન સર્વિસને સપોર્ટ કરે છે, જેમાં આ નવી પાંચ ભાષાનો ઉમેરો થયો છે.