સતત બદલાતી વર્ચ્યુઅલ દુનિયાનું નામ છે ઇન્ટરનેટ

ઇન્ટરનેટ એ સતત નવું નવું થયે રાખતી એવી વર્ચ્યુંઅલ દુનિયા છે, જેના માટે હેપ્પનિંગથી વધુ સારો શબ્દ ભાગ્યે જ મળે. હવે, અહીં મુકાતી ઘણી બધી સામગ્રી આપણને રસ પડે એવી હોય, પણ એને શોધતા આપણા નાકે દમ આવી જાય. એટલા માટે ‘આઇગૂગલ’ જેવી સર્વિસ છે,

જેમાં આપણે સાઇન ઇન થઇને આપણી પસંદગીની સાઇટ્સ, એપ્લિકેશન્સ મૂકી દઇએ એટલે આપણું વર્ચ્યુંઅલ ડેસ્કટોપ બની જાય અને આપણને સતત નવી નવી માહિતી મળતી રહે. આના જેવી બીજી ઘણી બધી સાઇટ્સ ઇન્ટરનેટ પર ધમધમે છે. જેમ કે, ‘પોપ્યુલર્સ. એના બ્લેક બેકગ્રાઉન્ડમાં જાતભાતની ન્યૂઝ સાઇટ્સ, સોશિયલ બૂકમાર્કિંગ સાઇટ્સ વગેરેના બેનર હેઠળ એની પોપ્યુલર ન્યૂઝ આઇટેમોની યાદી આપેલી છે.

તસવીરો, વીડિયો અને ટેક્સ્ટ સાથેની આ યાદી ખરેખર ગંજાવર છે, જે જોતાં જ ધરાઇ જઇએ એવડી છે એ! જો ટીવી ચેનલ્સ પર અને વીડિયો શેરિંગ સાઇટ્સ પર તથા વીડિયો સાઇટ્સ પર શું ચાલી રહ્યું છે એ જાણવામાં રસ હોય, તો પ્લીઝ લોગ ઇન ટુ આઇ ગૂગલ જેવી જ, પરંતુ એના કરતાં સારા વિઝ્યુઅલ પ્રેઝન્ટેશનવાળી સાઇટ છે: સિમ્બાલૂ ટ્રાય ઇટ!