એક પગ ગુમાવ્યો તેમ છતાં બે પગે ચાલે છે મોટાલા, જુઓ તસવીરો!

આ 50 વર્ષીય હાથણીએ એક દુર્ઘટનામાં પોતાનો પગ ગુમાવી દીધો હતો

આ દુર્ઘટના પછી તેના માલિકે તેનો પગ બચાવવાની કોશિશ કરી હતી

અમુક વર્ષો પહેલા પોતાનો અક પગ ગુમાવી ચૂકેલી હાથણીને હવે નકલી પગ સાથે ચાલી જોઈ શકાય છે. થાઈલેન્ડની આ 50 વર્ષીય હાથણીએ એક દુર્ઘટનામાં પોતાનો પગ ગુમાવી દીધો હતો.

આ હાથણીનું નામ મોટાલા છે. મોટાલાએ ઈ.સ. 1999માં થાઈલેન્ડ મ્યાનમાર બોર્ડર પર એક લેન્ડમાઇન પર પગ મૂકી દીધો હતો, જેના કારણે થયેલા ધડાકામાં તેનો પગ ગંભીર રીતે ઈજાગ્રસ્ત થઈ ગયો હતો.

આ દુર્ઘટના પછી તેના માલિકે તેનો પગ બચાવવાની કોશિશ કરી હતી, પરંતુ તે સફળ ન થઈ શક્યા. ઈ.સ. 2006માં અસ્થાયી રીતે મોટાલાને નકલી પગ લગાવ્યો હતો, જેનાથી તે ચાલતી ફરતી થઈ હતી. આ પછી મોટાલાના વજન અને પગના માપ પ્રમાણે તેનો ખાસ નકલી પગ લગાવવામાં આવ્યો છે, જેનાથી મોટાલા ખુશ છે.