આ અંગે દૂરસંચાર રાજ્યમંત્રી ગુરુદાસ કામતે જણાવ્યું હતું કે," અત્યારે પંજાબ અને બિહારની કુલ 20 પોસ્ટ ઓફિસમાં આ સેવાની શરૂઆત કરવામાં આવશે. આગામી દિવસોમાં આ યોજના દેશના તમામ રાજ્યોમાં શરૂ કરવામાં આવશે, જ્યાંથી મોટી સંખ્યામાં મનીઓર્ડર કરવામાં આવે છે."હવે SMSની મદદથી મોકલો દેશમાં મનીઓર્ડર

 

 

જે લોકો પોતાના પરિવારને પૈસા મનિઓર્ડરથી મોકલે છે તેમના માટે ખુશીના સમાચાર છે. ભારતીય ટપાલ વિભાગ ટૂંક સમયમાં દેશમાં મોબાઇલથી મનીઓર્ડર મોકલવાની યોજના શરૂ કરી રહ્યો છે. આ યોજનાની શરૂઆત ચંડીગઢમાંથી થવા જઇ રહી છે.

જે વ્યક્તિને મનીઓર્ડર કરવો હશે તેનું નામ, સરનામુ અને મોબાઇલ નંબર પોસ્ટ ઓફિસમાં આપવો પડશે. ત્યારબાદ મનીઓર્ડર આપવાની સૂચના એસએમએસ દ્વારા મનીઓર્ડર પ્રાપ્થ કરનાર વ્યક્તિને અને સબંધિત વિસ્તારની પોસ્ટ ઓફિસમાં મોકલવામાં આવશે.

મનીઓર્ડર પ્રાપ્ત કરનારો વ્યક્તિ પોસ્ટ ઓફિસમાં જઇને તેનો મનીઓર્ડર મેળવી શકશે. અધિકારીએ જણાવ્યું હતું કે જો કો વ્યક્તિ તેના ઘરે જ મનીઓર્ડર લેવા માંગતો હોય તો પોસ્ટમેન તેના ઘરે જઇને મનીઓર્ડર આપી આવશે.

આ અંગે દૂરસંચાર રાજ્યમંત્રી ગુરુદાસ કામતે જણાવ્યું હતું કે," અત્યારે પંજાબ અને બિહારની કુલ 20 પોસ્ટ ઓફિસમાં આ સેવાની શરૂઆત કરવામાં આવશે. આગામી દિવસોમાં આ યોજના દેશના તમામ રાજ્યોમાં શરૂ કરવામાં આવશે, જ્યાંથી મોટી સંખ્યામાં મનીઓર્ડર કરવામાં આવે છે."


આ સેવા બુધવારે ચંડીગઢ જીપીઓ સિવાય પંજાબના રોપડ હેડ ઓફિસ અને ડેરા બસ્સી વિસ્તારમાં શરૂ કરવામાં આવશે. ઉપરાંત બિહારના પટના જીપીઓ, પટના સીટી, પટના સચિવાલય અને ગુલજાર બાગમાં પણ યોજના શરૂ કરવામાં આવશે.