ગુગલે પોતાની નવી સોશિઅલ નેટવર્કીંગ સાઇટ ગુગલ+ના ઇન્વિટેશન રોક્યા

 

 

ગુગલનાં એંજીનીયરીંગ સીનીયર વાઇસ પ્રેસીડેંટ વિક ગુન્ડોત્રાએ જણાવ્યું હતું કે, ગુગલ+ એ ગુગલની એક નવી સોશિઅલ નેટવર્કીંગ સાઇટ તૈયાર થઇ રહી છે, જેના પરીક્ષણ માટે એટ્લે કે તેને કેવા પ્રતિભાવ મળશે તેનું સર્વેક્ષણ કરવા માટે તેને થોડા સમય માટે ચાલુ કરીને થોડાક લોકોને ઇનવાઇટ કરવા મેલ કરવામાં આવ્યા હતા. આ સંદેશો મળતાની સાથે જ ગુગલને અઢળક લોકોએ પ્રતિભાવ આપ્યો અને પોતે ઓનલાઇન શૅરીંગ માટે ગુગલ+નો ઉપયોગ કરવા માંગે છે તેવી રીક્વેસ્ટ પણ આવવા લાગી. આ રીક્વેસ્ટની સંખ્યા એટલી બધી હતી કે આખરે ગુગલે આ સોશિઅલ સાઇટનું પરિક્ષણ બંધ કરવાની ફરજ પડી. આજે ફેસબુકએ દુનિયાની નં.1 સોશિઅલ નેટવર્કીંગ સાઇટ બની ગઇ છે. ત્યારે તેની હરીફાઇમાં ઉતરવા માટે બનાવેલી સાઇટને પણ ખુબ જ કાળજી રાખીને તૈયાર કરવી જોઇએ, એ હેતુથી આવું પરીક્ષણ કરાયું હતુ. આમ પણ ગુગલ Buzz અને Waveમાં નિષ્ફળ નીવડ્યાં પછી ગુગલ+ ના મામલે કોઇ બેકાળજી રાખવા માંગતુ નથી. આથી ખાલી ટ્રાયલ બેઝ પર ગુગલ+ નાં આમંત્રણને આટલી બધી રીક્વેસ્ટ મળતા તેને બંધ કરી દેવી પડી હતી.