મહિલાઓ માટે આ આસન છે અત્યંત લાભકારક

 

યોગ અભ્યાસ કોઇ પણ ઋતુમાં કરી શકાય છે. શિયાળો પૂરો થયો એટલે એવું નહીં કે યોગ કરવાનું છોડી દેવાનું. આજે અહીં કંધરાસન કરવાની રીત જણાવી છે. આ આસન કરવાથી ખભા પર ભાર આવતો હોવાને લીધે તેને કંધરાસન કહે છે. યોગાચાર્યોનું કહેવું છે કે મહિલાઓ માટે તો આ આસન અત્યંત લાભકારક છે. તે શીખીને તેનો નિયમિત અભ્યાસ કરો.

આ રીતે કરો આસન

- સીધા સૂઇ જાવ.
- બંને પગને ગોઠણથી વાળી એડીને નિતંબ પાસે લાવો અને પગના તિળયા જમીનને અડેલા રહેવા જોઇએ.
- બંને હાથથી પગની એડીના ઉપરના ભાગ એટલે કે એન્કલને પકડૉ. જો એન્કલ પકડી ન શકાય તો હથેળીને જમીનસરસી દબાવી રાખો.
- હવે ઊંડો શ્વાસ લઇને કમર અને નિતંબને એવી રીતે અદ્ધર કરો કે શરીરનું બધું વજન ખભા પર આવે. માથું, ખભા અને એડી જમીનને સ્પર્શેલાં જ રહે તેનું ધ્યાન રાખો. સંતુલન જાળવવા માટે થોડા ઊંચા થઇ શકો છો.
- શ્વાસ રોકીને આ સ્થિતિમાં રહી શકાય એટલો સમય લગભગ ૧૫-૨૦ સેકન્ડ સુધી રહો.
- હવે શ્વાસ છોડતાં ધીરે ધીરે કમરને જમીન પર અડાડૉ. એન્કલ છોડીને બંને પગ સીધા કરો.
- આ પ્રક્રિયા દરરોજ ૩થી પ વાર કરો.

કંધરાસનથી લાભ
- કંધરાસન કરવાથી કમરનો દુખાવો, પીઠનો દુખાવો, ખભાનો દુખાવો, ગરદનનો દુખાવો (સ્પોન્ડિલાઇટિસ), સ્લીપ્ડ ડિસ્ક, સાયટિકા અને ગોઠણનો દુખાવો દૂર થાય છે.
- આ આસનથી કમર પાતળી અને છાતીનો ભાગ પહોળો તથા મજબૂત બને છે.
- ગભૉશયની બીમારીઓમાં આ આસન ખાસ લાભકારક છે.
- પાચનશક્તિ સારી બને છે અને ભૂખ ઊઘડે છે.
- અસ્થમા અને થાયરોઇડની તકલીફમાં લાભકારક.
- વંધ્યત્વ, અનિયમિત માસિક, લ્યુકોરિયા અને ગભૉશયના વિકારની તકલીફ દૂર થાય છે.

ધ્યાન રાખો
- આ આસન ખાલી પેટે જ કરવું.
- જો પેટનું કોઇ પ્રકારનું ઓપરેશન કરવામાં આવ્યું હોય, તો આ આસન છ મહિના પછી કરવું.
- હર્નિયાની તકલીફ હોય તો આ આસન ન કરવું.
- ગભૉવસ્થા કે માસિકસ્રાવ દરમિયાન ન કરવું.
- આનો અભ્યાસ ધીરે ધીરે અને ખૂબ સાચવીને કરવો. ઉતાવળ કરવા જવાથી ગરદન મચકોડાઇ જાય એવું બનવાની સંભાવના રહે છે.