અજમાવી જુઓ

* કરમાઇ ગયેલી કોથમીરને ગરમ પાણીમાં દાંડી ડૂબે તે રીતે પલાળવાથી કોથમીર તાજી થઇ જશે.
* અદડની દાળના વડા બનાવતી વખતે ખીરામાં થોડું દહીં ભેળવવાથી વડા પોચા થાય છે તેમજ તેલ પણ ઓછું વપરાય છે.
* શ્યાહીના ડાઘા પર ટામેટું ઘસવાથી ડાઘ નીકળી જાય છે.
* પકોડા અને કોફતાને ક્રિસ્પી બનાવવા તળવાના તેલમાં થોડું મીઠું નાખવું.
* રેશમી કપડા ધોતી વખતે પાણીમાં એક ચમચો ગ્લિસરિન ભેળવવાથી સિલ્કની ચમક જેમની તેમ રહે છે.
* જૂતામાંથી અવાજ આવતો હોય તો તેના પર ટર્પેન્ટાઈનના ટીપાં નાખી રગડવું.
* દવાની ગોળીનું એલ્યુમિનિયમ ફોઇલનું પત્તું દવા પૂરી થયા બાદ ફેંકવું નહીં. સ્ટીલના વાસણમાં રાંધતી વખતે પડેલા બળી ગયાના ડાઘ આ પત્તાથી ઘસવાથી દૂર થાય છે.
* બટાકાના છૂંદામાં થોડા પૌંઆ દળીને ભેળવવાથી બટાટાનો માવો કઠણ થાય છે તેથી વાનગી તળવાથી છૂટતી નથી તેમજ આકાર આપવામાં સરળતા રહે છે.
* છોલે બનાવવાના હોય અને કાબુલી ચણા પલાળતા ભૂલી જવાયું હોય તો ઉકળતા પાણીમાં કાબુલી ચણા તથા સોડા નાખી બાફવાથી બફાઇ જશે.
* અળાઇથી રાહત પામવા લીમડાના પાણીથી સ્નાન કરવું.
* કીડીનો ઉપદ્રવ હોય ત્યાં કેરોસિનના પોતા કરવા.
* કોઇ પણ શાકમાં સીંગદાણાનો ભૂક્કો તેમજ તલ નાખવામાં આવે તો શાક સ્વાદિષ્ટ થાય છે.
*ચણાનો લોટના પકોડામાં છીણેલી દૂધી કે પાંદડાયુક્ત ભાજી ઉમેરવાથી પકોડાના સ્વાદ સાથે પોષ્ટિકતા પણ ભળે છે.
* ગળામાં થતી તકલીફથી રાહત પામવા વરિયાળી ઉકાળેલા પાણીથી કોગળા કરવા.
* અડદની દાળની પેસ્ટમાં થોડો સોડા તથા ગરમ મોણ નાખવાથી દહીંવડા મુલાયમ થાય છે.