અંગ્રેજી મિડિયમ ( કટાક્ષ કથા )

એક સેક્રેટરીને ટાઇપિસ્ટની જરૃર હતી. એમના એક મિત્રને તેમણે વાત કરી એટલે એ કોઈ બી.એ. થયેલી છોકરીની ભલામણ કરી ગયા. સેક્રેટરી એને કાગળો લખાવવા માંડયા, પણ અંગ્રેજીમાં એ સ્પેલિંગો ખોટા જ લખ્યા કરે. એની અણઆવડત જોઈને તેમણે મિત્રને ફરિયાદ કરી કે તમે જે છોકરીને મૂકી ગયેલા તે છોકરી સ્પેલિંગ બહુ ખોટા લખે છે. મિત્રે કહ્યું ઃ 'તમે કાગળ ગુજરાતીમાં લખાવોને ?' 'ગુજરાતીમાં તો સાવ કાચી છે.' 'એવું છે ? ત્યારે મિત્ર, તમે એક કામ કરો ને ! એને તમે અંગ્રેજીના સ્પેલિંગ લખાવતી વખતે સ્પેલિંગ બોલતા જાવ. આમ તો એ અંગ્રેજી મિડિયમવાળી સ્કૂલમાં ભણી છે.' સેક્રેટરી કહે ઃ 'અરે, તમે સમજતા નથી. હું એને અંગ્રેજી શબ્દોના સ્પેલિંગ લખાવવા માંડું તો મારે વારે ને ઘડીએ ડિક્શનેરી ઉઘાડીને સ્પેલિંગ જોવા પડે ને.' મિત્ર નવાઈ પામ્યા. 'તમે અંગ્રેજી મિડિયમમાં ભણ્યા છો ને !' 'એની તો રામાયણ છે. અંગ્રેજી પાકું થયું નહિ અને ગુજરાતી લખવાનું ય ભૂલી ગયો ! બાવાના બેય બગડયા.