હવે ટાટા સોલ્ટ ખરીદતી વખતે ફ્લેવર પણ પસંદ કરજો

ટાટા કેમિકલ્સે ટાટા સોલ્ટ ફ્લેવરીટ્ઝ નામે ફ્લેવર્ડ સોલ્ટની રેન્જને મોટા શહેરોમાં લોન્ચ કરી છે, જે ભારતમાં પહેલું ફલેવર્ડ સોલ્ટ છે.દરેક ભારતીય ઘરમાં સોલ્ટ કેટેગરીમાં કરાયેલી આ એક નવી પહેલ છે.

ફ્લેવરીટ્ઝ ગ્રાહકોને ઘણી ફ્લેવર પુરી પાડશે અને તેમના દૈનિક આહારમાં એક નવું પાસું ઉમેરશે. આ આયોડાઇઝ્ડ સોલ્ટ છે, જે નેચરલ ફ્લવેર સાથે મિશ્ર કરાયેલી છે. ફ્લેવરીટ્ઝને કંપનીના અમદાવાદ યુનિટ ખાતે ટાટા આયોડાઇઝ્ડ સોલ્ટમાં ભેળવવામાં આવશે, તેમ કન્ઝ્યુમર પ્રોડક્ટસ ડિવીઝનના ચીફ ઓપરેટિંગ ઓફિસર અશ્વિની હીરને જણાવ્યું હતું.

ફ્લેવરીટ્ઝમાં ચાર વેરીઅન્ટ છે, રેડ પેપરીકા, લેમન કોરીએન્ડર, ઓનિયન ગાર્લિક, જેમની કિંમત 60 ગ્રામ દીઠ રૂ 45 છે જ્યારે બ્લેકપેપર પાવડર રૂ 50માં 50 ગ્રામના પેકમાં ઉપલબ્ધ હશે. અમે દર 2-3 મહિને એક નવી ફ્લેવરનો ઉમેરો કરવાનું વિચારી રહ્યા છીએ અને બધા ફ્લેવરને દેશમાં જ વિકસિત કરાયા છે, તેમ તેમણે જણાવ્યું હતું.

કંપની તેની ઉત્પાદન ક્ષમતાને હાલની 6 લાખ ટનથી વધારીને 8 લાખ ટન કરવાનું વિચારી રહી છે. કંપનીએ આ માટેના વિસ્તરણ માટે રૂ 180 કરોડનું રોકાણ કર્યું છે.