બોડીને ગાર્ડ તો કરે જ સાથે ચહેરાને પણ નીખારે,દહીં

 -દહીં શરિરની ઈમ્યૂન સિસ્ટમ શાર્પ બનાવે છે
-બ્લડ પ્રેશર કંટ્રોલમાં રાખે છે, કેલ્શિયમ, વિટામિન એ-ડીનો ખજાનો છે દહીં

આમ તો દહીંને કેટલાંયે ગુણ છે પણ તે વિશે ઘણાં ખરાં લોકોને જાણ નથી. દહીં આપણાં ઈમ્યૂન સિસ્ટમ માટે વરદાનથી કંઈ કમ નથી. દહીં ન ફક્ત આપને ફિટ રાખે છે પણ કેટલાંયે ગંભીર રોગથી પણ આપને બચાવે છે.

હાલમાં જ થયેલાં એક સંશોધનમાં જાણવા મળ્યું છે કે દહીંમાંઈમ્યૂન સિસ્ટમને મજબૂત કરનારા બેક્ટેરિયા હોય છે આ બેક્ટીરિયા આપને રોગ સામે લડવાની શક્તિ પુરી પાડે છે.

દહીંમાં કેલ્શિયમ, વિટામિન એ-ડી અને ફાસ્ફોરસ જેવા પોષક તત્વો જોવા મળ્યાં છે જે આંખ અને વાળની ગુણવત્તા પણ સુધારે છે. એટલું જ નહીં તે બ્લડ પ્રેશરની સમસ્યાથી પણ છુટકારો આપે છે.

દહીંમાં જોવા મળતાં બેક્ટેરિયા આંતરડાની અંદરની બાજુએ ચોટી જાય છે અને ત્યાં ભેગો થતા અપાચ્ય ખોરાકનો નિકાલ કરવાનું કામ કરે છે.

આ સીવાય જો આ ગરમીની સિઝનમાં દહીંનો સ્કિન કેર તરીકે ઉપયોગ કરવામાં આવે તો તે પણ બેસ્ટ છે.

- દહીંને તમે કોઇ અન્ય વસ્તુ સાથે ભેળવીને ત્વચા પર લગાવી શકો અથવા દહીંને એકલું પણ ત્વચા પર લગાવીને ત્વચાને નવશેકા પાણીથી ધોવાથી તમારી ત્વચા કોમળ બને છે.

- જો તમારી ત્વચા શુષ્ક હોય તો અડધો કપ દહીંમાં એક નાની ચમચી ઓલિવ ઓઇલ અને એક નાની ચમચી લીંબુનો રસ ભેળવી ચહેરા પર લગાવીને નવશેકા પાણીથી ચહેરો ધૂઓ. આનાથી ત્વચાની શુષ્કતા ઓછી થઇ જશે.

- એક વાટકી દહીંમાં ગાજર, કાકડી, પપૈયું વગેરે ફળોનો રસ ભેળવીને ચહેરા પર લગાવવાથી તમારી ત્વચામાં ચમક આવશે. તમે ઇચ્છો તો ઋતુ પ્રમાણેના શાકભાજીનો રસ પણ દહીંમાં ભેળવીને તેનો પેક તૈયાર કરીને પણ ચહેરા પર લગાવી શકો છો.

- એક ચમચી દહીંમાં અડધી ચમચી લીંબુનો રસ ભેળવીને ચહેરા પર લગાવી શકો છો. તેનાથી ત્વચા કાંતિવાન બને છે. આનાથી ત્વચાનું પીએચ બેલેન્સ યોગ્ય રીતે જળવાઇ રહે છે.