બનાવો 'દાલ મખણી'

 

4 વ્યક્તિઓ માટે દાલ મખણી

સામગ્રી:
120 ગ્રામ અડદની આખી દાળ
50 ગ્રામ ચણાની દાળ
50 ગ્રામ લાલ રાજમા
40 ગ્રામ આદુ-લસણની પેસ્ટ
120 ગ્રામ ટામેટાની પ્યુરી
1&1/2 લાલ મરચાં પાઉડર
100 ગ્રામ માખણ
100 ગ્રામ ક્રીમ
2 ટે. સ્પૂન કોથમીર ઝીણી સમારેલી
2 ટે. સ્પૂન ઝીણું સમારેલું આદુ
6-8 લીલા મરચાં વચ્ચેથી ચારા કરેલાં

રીત:
-રાજમા અને દાળને વીણી ધોઈ નાખો
-અગાઉ એક રાત પહેલાં પાણીમાં પલાળી દો
-પલળેલી દાળમાં દોઢ લિટર પાણી નાંખી થોડું મીઠુ નાખી ઉકાળો
-ત્યાં સુધી ઉકાળો જ્યા સુધી પા ભાગનું પાણી રહે અને દાળ બરાબર ચઢી ન જાય

-હવે એક પેનમાં અડધા ઉપરનું માખણ ગરમ કરો
-તેમાં આદુ-લસણની પેસ્ટ નાખી થોડી લાલ થાય ત્યા સુધી શેકો
-તેમાં લાલ મરચું અને ટામેટાની પ્યુરી નાખો
-મસાલો ઘટ થાય ત્યાં સુધી ધીમી આંચ પર રાખો
-કસૂરી મેથી નાંખી ચઢી ગયેલી દાળ મીક્સ કરો
-તેને આપના ઘર પ્રમાણે જાડી કે પાતળી રાખી શકો તે પ્રમાણે પાણી નાખો
-વધેલુ માખણ દાળ ઉપર નાખો
-આશરે 45 મીનિટ સુધી ધીમા તાપે પકવા દો
-ગરમ મસાલો નાંખી બરાબર હલાવી દો
-કોથમીર, લીલા મરચાં અને ક્રિમથી ગાર્નિશ કરો અને ગરમ ગરમ દાલ મખણી સર્વ કરો