બનાવો 'ખસ્તા કચોરી'

 

ખસ્તા કચોરી

સામગ્રી:

કણક માટે:
2 કપ મેંદાનો લોટ
1/2 ટીસ્પૂન મીઠું
1/4 કપ ઘી

પૂરણ માટે
1/2 કપ પીળી મગની દાળ
1 ટીસ્પૂન જીરું
1/4 ટીસ્પૂન હીંગ
1/2 ટીસ્પૂન આદુની પેસ્ટ
1/2 ટીસ્પૂન લીલા મરચાંની પેસ્ટ
1 ટીસ્પૂન લાલ મરચાંનો પાવડર
1 ટીસ્પૂન ગરમ મસાલો
1 ટેબલસ્પૂન આમચૂર
2 ટેબલસ્પૂન બેસન
3 ટેબલસ્પૂન તેલ
સ્વાદ અનુસાર મીઠું
તળવા માટે તેલ
પાણી જરૂર પ્રમાણે

ગાર્નિશ કરવા માટે:
2 કપ દહીં
લીલી ચટણી
ખાટી-મીઠી ચટણી (આંબલી-ખજૂર)
લાલ મરચાંનો પાવડર જરૂર પ્રમાણે
શેકેલા જીરુનો પાવડર
સમારેલા લીલા ધાણા
સ્વાદ અનુસાર મીઠું

રીત: કણક
- બધી જ સામગ્રીને મિક્સ કરો અને થોડા પાણી સાથે કઠણ કણક બાંધો.
- 5-7 મિનીટ સુધી બરાબર ગૂંથો.
- કણકમાંથી 12 એકસમાન લુઆ વાળો અને તેને કોટનના કપડામાં વિંટાળીને રાખી દો.

રીત: પૂરણ
- એક પેનમાં તેલ ગરમ કરો. તેમાં જીરુ અને હીંગ ઉમેરો.
- ત્યારબાદ તેમાં મગની દાળ નાંખીને થોડી ક્ષણ માટે હલાવીને પાકવા દો.
- તેમાં લીલા મરચાંની પેસ્ટ, આદુની પેસ્ટ, ગરમ મસાલો, બેસન, લાલ મરચાંનો પાવડર, આમચુર અને મીઠું ઉમેરો.
- બધી સામગ્રીને મિક્સ કરો અને 5-7 મિનીટ સુધી સતત હલાવતા રહો.
- આ મિશ્રણને 12 સરખા ભાગમાં વહેંચી દો અને બાજુમાં રાખી દો.

રીત: કચોરી
- દરેક લુઆને હાથથી દબાવીને 2 ઈંચની નાની રોટલી જેવુ બનાવો.
- પૂરણના 12 ભાગમાંથી 1 ભાગને તેમાં વચ્ચોવચ્ચ મૂકો.
- પૂરણને પેક કરવા માટે રોટલીના બધા છેડા ભેગા કરીને વચ્ચેના ભાગમાં દબાવી દો.
- આ છેડાને બરાબર બંધ કરો જેથી તળતી વખતે કચોરી ફૂટી ન જાય. વધારાનો કણક કાઢી શકો છો.
- હવે કચોરીને બન્ને હથેળી વચ્ચે રાખીને સહેજ દબાવી દો જેથી તેના આકારમાં આવી જાય.
- કચોરીના મધ્ય ભાગમાં અંગૂઠાની મદદથી સહેજ દબાવી દો.
- બાકીના કણક અને પૂરણમાંથી આવી જ રીતે કચોરી વાળી લો.
- તેલ ગરમ કરીને ગોલ્ડન બ્રાઉન થાય ત્યા સુધી તળી લો.
- કચોરીને સર્વ કરવા માટે એક પ્લેટમાં કચોરી લો અને તેની વચ્ચે કાણું પાડો.
- તેની અંદર ચટણી, દહીં અને જીરા પાવડર અને લીલા ધાણા ઉમેરીને સર્વ કરો.