પેટ્રોલ થઈ જશે 11 રૂપિયા સસ્તું! પણ માત્ર આ એક જ રાજ્યમાં

ગોવાના મુખ્યમંત્રી મનોહર પારિકરે સોમવારે રાજ્યનું બજેટ રજુ કરતા ઘરેલુ મહિલાઓને રૂ 1000નું માસિક ભથ્થું આપવાની અને પેટ્રોલની કિંમતમાં રૂ 11 નો ઘટાડો કરવાના ઉપાયોની જાહેરાત કરી.

મુખ્યમંત્રી પારિકર પાસે નાણા વિભાગ પણ છે. તેમણે આગામી નાણાકીય વર્ષ માટે રાજ્યના જીડીપીમાં 15 ટકા વૃદ્ધિનો લક્ષ્ય રાખતા ઘરેલુ રસોઇ ગેસની કિંમતને પણ 5 વર્ષ સુધી સ્થિર રાખવાની જાહેરાત કરી હતી.

પારિકરે કહ્યું હતું કે પેટ્રોલ પરના વેટને લગભગ નાબૂદ કરવામાં આવ્યો છે. તેના પર ફક્ત 0.1 ટકા વેટ લાગશે, જેથી વેચાણનો રેકોર્ડ રાખી શકાય. તેનાથી રાજ્યમાં પેટ્રોલની કિંમત રૂ 65થી ઘટીને 55 રૂપિયા રહી જશે.