આઇપેડ અને આઇફોનની ચમક પાછળનું એક ભયાનક સત્ય

 

-ચીનના આ પ્લાન્ટમાં કેટલાક કર્મચારીઓએ કેમ કરી આત્મહત્યા

એપ્પલના સીઇઓ ટીમ કૂકે કંપનીના સીઇઓ તરીકે પહેલી જ વાર ચીનમાં ફોક્સકોન ટેકનોલોજી ગ્રુપ દ્વારા ચલાવાતા આઇફોન પ્રોડક્શન પ્લાન્ટની મુલાકાત લીધી છે, આ પ્લાન્ટ પર શ્રમ અંગેની અયોગ્ય નીતિઓ કામે લગાડવાનો આક્ષેપ છે.

ચીન દુનિયાનું સૌથી મોટું મોબાઇલ માર્કેટ છે અને એપ્પલનું બીજા ક્રમનું સૌથી મોટું બજાર છે, પણ આઇપેડના ટ્રેડમાર્ક અને સ્થાનિક સ્તરે શ્રમના પ્રશ્નો જેવા મુદ્દાઓ તેની આગળ પાછળ ઘેરાયેલા છે.

ફોક્સકોન એપ્પલની વૈશ્વિક સપ્લાય ચેઇનનો એક અગ્રણી હિસ્સો છે, જ્યાં મોટા ભાગના આઇફોન અને આઇપેડ એસેમ્બલ કરવામાં આવે છે, પણ તાજેતરના વર્ષોમાં કેટલાક કામદારોએ આત્મહત્યા કરતા સામાજિક કાર્યકર્તાઓ તેની પાછળ કામ કરવા માટેની આકરી પરિસ્થિતિને જવાબદાર ઠેરવે છે.

એપ્પલ નાણાકીય રીતે નબળી ટેકનોલોજી કંપની પ્રોવ્યુ સાથે લાંબા સમયથી વિવાદમાં સપડાયેલી છે, પ્રોવ્યુએ આઇપેડના ટ્રેડમાર્કને રજીસ્ટર કર્યો હોવાનો દાવો કર્યો છે. આ કેસ ચીનની અદાલતોમાં છે અને આઇપેડના વેચાણને અસર કરી રહ્યો છે.