પીપીએફ ખાતેદારો માટે શરૂ થઇ રહી છે આ અનોખી સર્વિસ

- દેશની તમામ મોટી પોસ્ટ ઓફિસોમાં હવે એટીએમ લગાવામાં આવી રહ્યા છે
- જ્યાં પોસ્ટલ સર્વિસનો ઉપયોગ કરનાર પોતાની માસિક આવક, બચત ખાતા, પબ્લિક પ્રોવિડન્ટ ખાતું, પોસ્ટલ લાઇફ ઇન્શયોરન્સ પ્રીમિયમની ચૂકવણી વગેરે તમામ મેન્ટેન કરી શકશે

દેશભરમાં ફેલાયેલા કરોડો પીપીએફ ખાતેદારો માટે એક ખુશખબરી. હવે તમારું પોતાનું પબ્લિક પ્રોવિડન્ટ ફંડ એટલે કે પીપીએફ એકાઉન્ટ જાણવા માટે દોડાદોડ કરવાની જરૂર નથી. અને તેમાંથી નાણાં નીકાળવા માટે દૂર જવાની જરૂર નથી.

હવે આ તમામ કામ તમારા એટીએમમાંથી થઇ જશે. દેશની તમામ મોટી પોસ્ટ ઓફિસોમાં હવે એટીએમ લગાવામાં આવી રહ્યા છે. જ્યાં પોસ્ટલ સર્વિસનો ઉપયોગ કરનાર પોતાની માસિક આવક, બચત ખાતા, પબ્લિક પ્રોવિડન્ટ ખાતું, પોસ્ટલ લાઇફ ઇન્શયોરન્સ પ્રીમિયમની ચૂકવણી વગેરે તમામ મેન્ટેન કરી શકશે. તે ત્યાંથી પૈસા પણ નીકાળી શકશે અને નાંખી શકશે. તેમનું પેન્શન પણ ત્યાંથી મળી જશે. આ સિવાય તેઓ પૈસા પણ બીજી જગ્યા પર ટ્રાન્સફર કરી શકશે.

પોસ્ટ તાર વિભાગનો પ્રસ્તાવ છે કે પહેલાં દેશની 1000 પોસ્ટઓફિસોમાં આવા એટીએમની સુવિધા આપવામાં આવી જોઇએ અને ત્યારબાદ પાંચ વર્ષમાં લગભગ 1.50 લાખ પોસ્ટઓફિસોમાં આપવામાં આવે. પોસ્ટલ બેકિંગ અને પોસ્ટ ઓફિસના પોતાના ડેબિટ કાર્ડને પણ લીલી ઝંડી આપી દેવામાં આવી છે.

દેશભરની પોસ્ટ ઓફિસોમાં દોઢ લાખ કરોડ રૂપિયા જમા છે અને દેશના ખૂણે-ખૂણેથી લોકો આ સર્વિસનો ઉપયોગ કરે છે.