7 બાબતો, હાઈ બ્લડપ્રેશરની સમસ્યા માટે જવાબદાર

હાઇ બીપીથી પીડાતી વ્યકિતને ગભરામણની સાથે માથાના દુખાવા જેવી સમસ્યાઓનો સામનો કરવો પડે છે. જાણકારો કહે છે કે, હાઇ બીપી માટે ઘણાં કારણો જવાબદાર હોઈ શકે છે. જો તેને સમજીને પ્રયાસ કરવામાં આવે તો નિયંત્રિત કરવું સરળ છે. ચાલો તેના વિશે જાણકારી મેળવીએ.

વજન :જેમનું વજન વધારે હોય છે તેમની આટર્રી વોલ્સ પર વધારે અસર થાય છે. એવા સંજોગોમાં શરીરનાં ટિશ્યૂઝ સુધી જરૂરી ઓકસીજન અને ભોજનમાં શામેલ ન્યૂટ્રિશિયન્સ પહોંચી શકતાં નથી. આથી વધારે વજનથી પીડાતા લોકો હાઇ બીપીની ઝપટે ચઢી શકે છે.

પોટેશિયમનો અભાવ :જેમના ભોજનમાં પોટેશિયમનો અભાવ હોય છે, તેમના શરીરની કોશિકાઓમાં સોડિયમનું સ્તર વધવા લાગે છે. જાણકારો કહે છે કે, આવા સંજોગોમાં હાઇ બીપીનો ખતરો વધી જાય છે.

તણાવ :જે લોકો તણાવભર્યા માહોલમાં કામ કરે છે કે કામના વધારે પડતા દબાણમાં રહે છે, તેમનામાં પણ આ શકયતા વધુ રહે છે. તણાવ હાઇ બીપીનું મુખ્ય કારણ છે.

ઉંમર :ઉમરમાં વધારો થતાની સાથે જ હાઇ બીપીનો ખતરો પણ વધવા માંડે છે. વળી, જે લોકોના પરિવારમાં પહેલાથી જ હાઇ બીપીના કિસ્સા હોય તેમનામાં આ શકયતા વધુ રહે છે.

લાઈફ સ્ટાઈલ:અનિયમિત જીવનશૈલી અને શારીરિક ગતિશીલતાનો અભાવ પણ હાઇ બીપીને આમંત્રણ આપી શકે છે. જાણકારો કહે છે કે, આવા સંજોગોમાં હૃદયના ધબકારા સામાન્ય સ્થિતિ કરતાં વધુ ઝડપી બને છે. જેથી હૃદયે વધારે મહેનત કરવી પડે છે.

ધુમ્રપાન :જે લોકોને તમાકુ ખાવાની કે સિગારેટ પીવાની આદત હોય તો તેઓ આ સમસ્યા માટે પોતે જ જવાબદાર છે. આ આદત આટર્રી વોલ્સને નુકસાન પહોંચાડે છે.

મીઠાનું પ્રમાણ :ભોજનમાં મીઠાનો વધારે પડતો ઉપયોગ કે જંક ફૂડનું વધારે પડતું સેવન કરવાથી શરીરમાં સોડિયમનું સ્તર વધી જાય છે. તે રકતવાહિનીઓ માટે નુકસાનકારક છે. જેનાથી હાઇ બીપીની સમસ્યા વધુ ઝડપી બને છે.