ઈ-મેઇલ બની જશે ઈતિહાસ, યુવાનો હવે ફેસબુકની આસ-પાસ

સંચાર માટે વિશ્વમાં સૌથી વધારે ઉપયોગમાં લેવાનારો વિકલ્પ ઈ-મેઈલ ટૂંક સમયમાં એક ઇતિહાસ બની જવાના આરે છે.

આ ભવિષ્યવાણી ફેસબુકના સંસ્થાપક માર્ક ઝુકરબર્ગ અગાઉ કરી ચુક્યા હતા, અને હવે આંકડાઓ પણ તેમની ભવિષ્ય વાણીની તરફેણ કરી રહ્યાં છે.

હાઇલાઇટ્સઃ-

- યાહૂ, હૉટમેલ અને જીમેલ સાઇટ્સ ઉપર ગ્રાહકોની સંખ્યાઓ સતત ઘટતી જોવા મળી

 

- ઓક્ટોબર 2009 પછી ઈ-મેલ પ્રદાતાઓ(કંપનીઓ)ને લગભગ 12 લાખ ગ્રાહકોથી હાથ ધોવાનો વારો આવ્યો

 

- ફેસબુકના સંસ્થાપક ઝુકરબર્ગે કહ્યું હતુ કે ઈ-મેઈલ સેવા ટૂંક સમયમાં ઇતિહાસ બની જશે

 

- બ્રિટિશ માર્કેટ રિસર્ચર કૉમસ્કોરના સર્વેને પણ જોઈએ તો તેમની ભવિષ્યવાણી સાચી પડતી નજર આવી

આંકડાઓ ઉપર એક નજર નાંખીએ તો ઈમેલ સેવા ઉપલબ્ધ કરાવનારી કંપનીઓ યાહૂ, હૉટમેલ અને જીમેલ સાઇટ્સ ઉપર ગ્રાહકોની સંખ્યાઓ સતત ઘટતી જોવા મળી છે.

બ્રિટિશ સમાચારપત્ર ઘ ટાઇમ્સના આંકડાઓ ઉપર નજર દોડાવીએ તો ઓક્ટોબર 2009 પછી ઈ-મેલ પ્રદાતાઓ(કંપનીઓ)ને લગભગ 12 લાખ ગ્રાહકોથી હાથ ધોવાનો વારો આવ્યો હતો.

પાછલા મહીને ફેસબુકના સંસ્થાપક ઝુકરબર્ગે કહ્યું હતુ કે ઈ-મેઈલ સેવા ટૂંક સમયમાં ઇતિહાસ બની જશે, તે સમયે જાણકારો તેમના આ કથનની મજાક ઉડાવી રહ્યાં હતા, પરંતુ બ્રિટિશ માર્કેટ રિસર્ચર કૉમસ્કોરના સર્વેને પણ જોઈએ તો તેમની ભવિષ્યવાણી સાચી પડતી નજર આવી રહી છે.

આ સર્વે પ્રમાણે ચીઠ્ઠિઓ જેમ ઈ-મેઈલનું ચલણ પણ ધીમે ધીમે ઓછુ થતુ જઈ રહ્યું છે. 25 વર્ષથી ઓછી ઉંમરના યૂવાનો હવે ઈ-મેઈલની જગ્યાએ ચેટિંગને વધુ મહત્વ આપી રહ્યાં છે, જેના કારણે ઈ-મેઈલ હવે માત્ર ઑફિશિયલ કામો સુધી જ સીમિત રહી ગયુ છે.

પાછલા મહીને વિશ્વની નંબર વન સોશિયલ નેટવર્કિંગ સાઇટ ફેસબુકે પોતાની સાઈટ ઉપર તેના ગ્રાહકોને ઈ-મેઈલ કરવાની સુવિધા પણ આપી રાખી છે. ફેસબુકના આ પગલા પછી જીમેઈલ ઉપર પોતાની સુવિધાઓને વધારે અત્યાધૂનિક બનાવવાની જવાબદારી વધી ગઈ છે.