મિક્સ વેજિટેબલ

સામગ્રી

બાફેલા મિક્સ શાક (બટાકા, કેપ્સિકમ, વટાણાં, ફણસી, ગાજર, ફ્લાવર) - ૨ કપ

ડુંગળી - ૧૦૦ ગ્રામ

ટમેટાં - ૧૦૦ ગ્રામ

આદું - ૫૦ ગ્રામ

લસણ - ૧૦ ગ્રામ

લાલ મરચું - ૨ ચમચી

સમારેલી કોથમીર - ૧ કપ

તેલ - ૨ ચમચી

મીઠું - પ્રમાણસર

રીત

ડુંગળી, લસણ અને આદુંને ક્રશ કરીને તેની પેસ્ટ બનાવો. ટમેટાંને બારીક સમારી લો. એક વાસણમાં બે ચમચા તેલ ગરમ કરીને આ પેસ્ટને સાંતળો અને તેમાં થોડી કોથમીર નાખો. થોડું પાણી રેડીને મીઠું, મરચું અને ટમેટાં નાખો અને હલાવો. થોડી વાર રહીને તેમાં બાફેલા બધાં શાક નાખીને ચડવા દો. એકરસ થાય પછી આંચ પરથી ઉતારીને કોથમીર ભભરાવીને ખાવ.