પતિને કેવી રીતે સંતોષ આપવો?

પ્રશ્ન : અમારું લગ્નજીવન સુખી છે, પણ મને ક્યારેક લાગે છે કે પતિને હવે મારામાં ખાસ રસ નથી રહ્યો. મારે આ વાતની ખાતરી કેવી રીતે કરવી?

ઉત્તર : તમે આ બાબતે તમારા પતિ સાથે ચર્ચા કરો. મુક્ત મને વાત કરવાથી તમારા બંનેની સમસ્યાનો ઉકેલ આવી શકશે.

પ્રશ્ન : અમે જ્યારે સંબંધ બાંધીએ ત્યારે હું મારા પતિ કહે એમ જ કરતી હોઉં છું. તેમ છતાં એ કહે છે કે એમને સંતોષ નથી થતો. મારે શું કરવું?

ઉત્તર : ઘણા પુરુષોને સંબંધ દરમિયાન પત્ની પોતાની રીતે પણ કંઇ અલગ રીતે વર્તે એ પસંદ હોય છે. તમારા પતિ પણ આવો સ્વભાવ ધરાવતાં હોય એવું બનવાજોગ છે. તમે તમારા તરફથી કંઇ અલગ રીતે પતિને સાથ આપવાનો પ્રયત્ન કરો.

પ્રશ્ન : મારી પત્નીને એક યુવાન સાથે આડા સંબંધ હોવાની મને શંકા છે. જોકે મને પૂરતી ખાતરી નથી. હું મારી શંકાનું સમાધાન કેવી રીતે કરું?

ઉત્તર : પત્ની માટે તમારા મનમાં માત્ર શંકા છે. તમે ખાતરીપૂર્વક આ બાબતમાં કહી શકો તેમ નથી. તમને ખબર છે કે શંકામાં અનેક ઘર બરબાદ થઇ જાય છે. માટે ખોટી શંકા મનમાંથી કાઢી નાખો.

પ્રશ્ન : મને કાયમ થાય છે કે લગ્ન પછી હું સારી રીતે સંબંધસુખ નહીં માણી શકું કેમ કે હું અગાઉ એક વાર નિષ્ફળ ગયો છું. મારે લગ્ન કરવા જોઇએ?

ઉત્તર : તમે લગ્ન પહેલાં એક વાર સંબંધ બાંધવામાં નિષ્ફળ ગયા તેથી એવું માની લેવાની જરૂર નથી કે ભવિષ્યમાં પણ તમને નિષ્ફળતા જ મળશે. ઘણી વાર જાણકારીને અભાવે પણ આવું બનતું હોય છે. માટે નિશ્વિંત રહો અને શાંતિથી જીવો.

પ્રશ્ન : હમણાંથી મારી દીકરી વારંવાર અરીસામાં પોતાના અંગો નિહાળીને હાથ ફેરવતી હોય છે. હું એને ટોકું તો એનું મોં ચડી જાય છે. મારે શું કરવું?

ઉત્તર : જો તમારી દીકરી કિશોરાવસ્થામાં પ્રવેશી હોય તો તેનું આવું વર્તન સ્વાભાવિક છે. આ ઉંમરમાં અંત:સ્રાવમાં ફેરફારને કારણે થતાં શારીરિક ફેરફાર મનમાં ઉત્સુકતા જગાવે છે. તમે એને આ અંગે યોગ્ય સમજણ આપો એ જરૂરી છે.

પ્રશ્ન : મારી બહેનપણીને સિગારેટ ફૂંકવાની આદત છે. અમે તેને આ અંગે સમજાવી છતાં તે ધૂમ્રપાન છોડવા તૈયાર નથી. શું કરી શકાય?

ઉત્તર : અત્યારની પેઢીને પાશ્વાત્ય સંસ્કૃતિની ઘેલછા એટલી છે કે તેઓ કોઇનું માનતાં નથી. તમારી બહેનપણી પણ આવી જ ઘેલછા ધરાવતી લાગે છે. તે તમારી વાત ન માને તો કોઇ વ્યસનમુક્તિ કેન્દ્રમાં લઇ જાવ અને યોગ્ય માર્ગદર્શન અપાવો.

પ્રશ્ન : મારા ફ્લેટની સામે રહેતા બે યુવાનો વારંવાર મારી સામે જોઇને ઇશારા કરે છે. મને તેમની આ હરક્તથી ગુસ્સો ચડે છે. મારે શું કરવું?

ઉત્તર : તમે પરિણીત હો, તો તમારા પતિને આ વાત કરો અને જો અપરિણીત હો, તો ઘરમાં વડીલને વાત કરો. તમે જો એમને ગુસ્સાથી કંઇ પ્રતિભાવ આપવા જશો, તો તેઓ વધારે હેરાન કરશે. બને ત્યાં સુધી તેમના પ્રત્યે ધ્યાન જ ન આપો.

પ્રશ્ન : મારા ઘરમાં અમે ભાઇ-બહેન ઘણી વાર મસ્તી કરતાં હોઇએ, ત્યારે મારા ઘર સામે રહેતાં પાડોશી આવીને મને ટોકે છે. મને એ પસંદ નથી. મારે એમને શું કહેવું?

ઉત્તર : ઘણા આવા પાડોશી હોય છે, જેમને બીજા લોકોની ખુશી જોવાની ગમતી નથી કે ઉંમરલાયક હોય તો તેમને થાય કે આવું સારું ન લાગે. તમારે એમની વાત પ્રત્યે ધ્યાન આપવાની જરૂર નથી. તમારા ઘરમાં તમને ગમે તે રીતે જીવો.

પ્રશ્ન : હું જે ઓફિસમાં કામ કરું છું, ત્યાં મને એક યુવાન ગમે છે. મારે એને કેવી રીતે મારી લાગણીની જાણ કરવી? કદાચ એ પરિણીત છે.

ઉત્તર : તમે એ યુવાન વિશે પહેલાં પૂરતી તપાસ કરો. પછી જ આગળ વધો. ક્યાંક એવું ન બને કે તમે એકતરફી લાગણીમાં વધારે પડતા ખેંચાઇ જાવ અને દુ:ખી થવાનો સમય આવે.

પ્રશ્ન : હું એક યુવતીને પ્રેમ કરતો હતો, પણ એના લગ્ન બીજે થઇ ગયાં. હવે મને કોઇ યુવતી સાથે વાત કરવાની ઇચ્છા થતી નથી. મને મરી જવાના વિચાર આવે છે.

ઉત્તર : તમે એ યુવતીએ કયા કારણસર બીજા સાથે લગ્ન કર્યા તે જાણવાની કોશિશ કરી ખરી? એના પ્રત્યે સાચો પ્રેમ હોય તો તમારે ખુશ રહેવું જોઇએ. કોઇના વિના જિંદગી અટકતી નથી. માટે એવા વિચારો ન કરો.

પ્રશ્ન : હું એક યુવતીને પ્રેમ કરું છું, પણ તેની સાથે વાત કરવાની હિંમત નથી થતી. મારે શું કરવું?

ઉત્તર : આજના જમાનામાં તમે આવો પ્રશ્ન પૂછો છો? હવે તો હૈયાની વાત કહેવા માટે અનેક વિકલ્પ છે. મોબાઇલથી લઇને ઇન્ટરનેટ જેવા સાધનોથી તમારી સમસ્યા સહેલાઇથી ઉકેલી શકાય એમ છે.