વો ભૂલી દાસ્તાન, લો ફિર યાદ આ ગઈ...

ક્યારેક એકબીજાના જાની દુશ્મન રહી ચૂકેલા ફ્રેન્ક અને વોલ્ફ હવે પાક્કા દોસ્તો છે

ફ્રેન્ક આર્સેનોલ્ટ દ્વિતિય વિશ્વ યુદ્ધમાં કેનેડાની નૌસેનાના નાવિક રહી ચૂક્યા છે. 86 વર્ષીય ફ્રેંકે એક અખબારને જણાવ્યું છે કે તે હમેશા એ વિશે વિચારતા હતા કે 13 જાન્યુઆરી 1943ના રોજ તેમણે જર્મનીની જે યુ બોટ ડૂબાડી હતી, તેમાંથી કૂદીને સમુદ્રમાં તરી રહેલા એક નાવિકનું શું થયું હતું.

હવે ફ્રેન્કને પોતાના એ સવાલનો જવાબ જર્મનીના હેનોવરથી મળેલા એક પત્રમાં મળી ગયો છે. 93 વર્ષીય લેફ્ટનન્ટ વોલ્ફ ડેંકવર્થે ફ્રેન્કને પત્ર લખીને જણાવ્યું છે કે તેઓ જ એ સૈનિક છે, જે ડૂબતી નૌકામાંથી કૂદ્યા હતા. ક્યારેક એકબીજાના જાની દુશ્મન રહી ચૂકેલા ફ્રેન્ક અને વોલ્ફ હવે પાક્કા દોસ્તો છે. તેઓ ઈમેઇલ દ્વારા એકબીજાના સંપર્કમાં જ છે.

શું છે યુ બોટ?

જર્મનીએ બે વિશ્વ યુદ્ધોમાં જે સબમરીનો ઉપયોગમાં લીધી હતી, તેને યુ બોટ કહેવામાં આવે છે. બ્રિટિશ અંગ્રેજીમાં યુ-બોટ શબ્દ માત્ર જર્મનીની સબમરીન માટે ઉપયોગમાં લેવાય છે, જ્યારે જર્મનીમાં કોઈ પણ પ્રકારની સબમરીનને યુ બોટ જ કહેવામાં આવે છે.