ચાની ચુસ્કી નોંતરી શકે છે સંધિવા

શું તમે ચા અને કોફીના મોટા શોખીન છો? તો આ અચૂક વાંચો. કારણ કે એક નવા સંશોધન પ્રમાણે કેફીનયુક્ત પીણા લેતા લોકોને સંધિવાની સમસ્યા વધી શકે છે. શોધ દરમિયાન જાણવા મળ્યું કે કેફીનયુક્ત પીણા જેવા કે ચા, કોફી, કોલ્ડ ડ્રિંક, સોડા વગેરે પીતા લોકોના યરિક એસિડમાં કેફીનની માત્રા વધતી જોવા મળી, જે સંધિવા જેવા જોખમ માટે પ્રભાવી ગણાય છે.
સંશોધનકર્તાઓએ અભ્યાસ માટે લગભગ 633 લોકોને પસંદ કર્યા. તેમણે એક વર્ષ સુધી કેફીનયુક્ત પીણાનું સેવન કર્યુ. આ શોધ દરમિયાન એ અભ્યાસ પણ કરવામા આવ્યો કે કેફીનયુક્ત પીણા કેટલા પ્રમાણમાં લેવાથી સંધિવાની સમસ્યા સર્જાય છે.
શોધ દરમિયાન જોવા મળ્યું કે જે લોકોએ છેલ્લા 24 કલાકમાં વધુ વખત કેફીનયુક્ત પીણા પીધા તેમનામાં સંધિવાનો હુમલો વધુ જોવા મળ્યો. રિપોર્ટ કહે છે કે 24 કલાકમાં ત્રણથી ચાર કેફીનયુક્ત પીણા પીવાથી સંધિવાના હુમલામાં 40થી 80 ટકાનો વધારો જોવા મળે છે.
મુખ્ય સંશોધનકર્તા તેમજ બોસ્ટન યુનિવર્સિટી સ્થિત સ્કૂલ ઓફ મેડિસિનના પ્રોફેસર તુહીન નિયોગીએ જણાવ્યું કે શોધ દરમિયાન જોવા મળ્યું કે કેફીનયુક્ત કોફી, ચા, સોડા અથવા તેવા કોઇપણ પીણાથી સંધિવાના હુમલામાં મદદ મળે છે. જ્યારે કેફીનમુક્ત ચા, કોફી, સોડા કે જ્યુસ પીતા લોકોના અભ્યાસમાં જાણવા મળ્યું કે તેમનામાં સંધિવાનો હુમલો નથી થયો.