સુંદરતા નિખારે દહીં

ત્વચાની ચમક તમારી વધતી ઉંમરને છુપાવી દે છે. કોસ્મેટિકસથી તમારા ચહેરાની ચમક કેટલાક સમય સુધી જ સારી રહી શકે છે, પરંતુ કુદરતી વસ્તુઓથી ત્વચાની ચમક હંમેશાં જળવાઇ રહે છે.ત્વચાની સુંદરતા જાળવી રાખવા માટે દહીં ખૂબ મહત્વની ભૂમિકા ભજવે છે. દહીં ઉબટણ તરીકે ત્વચા પર લગાવવાથી ત્વચા માટે મોઇશ્વરાઇઝરનું કામ કરે છે અને ત્વચાને ચમકદાર અને કાંતિમય બનાવે છે.દહીંને તમે ઘરેલુ ફેસપેક તરીકે પણ ઉપયોગમાં લઇ શકો છે. દહીંમાં રહેલું લેક્ટિક એસિડ ત્વચા પર ફેશિયલ માસ્કનું કામ કરે છે.

- દહીંને તમે કોઇ અન્ય વસ્તુ સાથે ભેળવીને ત્વચા પર લગાવી શકો અથવા દહીંને એકલું પણ ત્વચા પર લગાવીને ત્વચાને નવશેકા પાણીથી ધોવાથી તમારી ત્વચા કોમળ બને છે.

- જો તમારી ત્વચા શુષ્ક હોય તો અડધો કપ દહીંમાં એક નાની ચમચી ઓલિવ ઓઇલ અને એક નાની ચમચી લીંબુનો રસ ભેળવી ચહેરા પર લગાવીને નવશેકા પાણીથી ચહેરો ધૂઓ. આનાથી ત્વચાની શુષ્કતા ઓછી થઇ જશે.

- એક વાટકી દહીંમાં ગાજર, કાકડી, પપૈયું વગેરે ફળોનો રસ ભેળવીને ચહેરા પર લગાવવાથી તમારી ત્વચામાં ચમક આવશે. તમે ઇચ્છો તો ઋતુ પ્રમાણેના શાકભાજીનો રસ પણ દહીંમાં ભેળવીને તેનો પેક તૈયાર કરીને પણ ચહેરા પર લગાવી શકો છો.

- એક ચમચી દહીંમાં અડધી ચમચી લીંબુનો રસ ભેળવીને ચહેરા પર લગાવી શકો છો. તેનાથી ત્વચા કાંતિવાન બને છે. આનાથી ત્વચાનું પીએચ બેલેન્સ યોગ્ય રીતે જળવાઇ રહે છે.