જાણો કેવા પુરુષોને નાપસંદ કરે છે સ્ત્રીઓ

પુરુષોમાં ઘણી વાતો એવી હોય છે જેના કારણે સ્ત્રીઓ તેમના પ્રત્યે આપોઆપ આકર્ષાતી હોય છે. પણ સ્ત્રીઓએ એવી અમુક વાતો નક્કી કરી રાખી છે જે તેઓ પુરુષોમાં ક્યારેય જોવા નથી માંગતી હોતી.

1. સ્ત્રીઓ પર હુકમ કરતા પુરુષો: હવે એ દિવસો જતા રહ્યા જ્યારે પુરુષો સ્ત્રીઓ પર પોતાની મરજી ચલાવતા હતા અને સ્ત્રીઓ પર હુકમ ચલાવતા હતા. હવેની સ્ત્રીઓને એવા પુરુષો ગમે જે સ્ત્રીની માન-મર્યાદા, તેની ઈચ્છા-પસંદગી અને સન્માનનુ પૂરુ ધ્યાન રાખે. સમાન દરજ્જો આપે. જે પુરુષ પોતાના જૂથમાં પોતાની સફળતા, કળા, ક્ષમતા માટે વખણાય છે તેવા પુરુષો સ્ત્રીઓને ગમે છે.

2. મેચોમેન ફિલ્મોમાં જ સારા: એન્ગ્રી યંગ મેનની ઈમેજ ધરાવતા પુરુષોને ફિલ્મોમાં જોઈને ભલે સ્ત્રીઓ ગાંડી થઈ જતી હોય પણ હકીકતમાં તો સ્ત્રીઓને આવા પુરુષો માત્ર જોવા જ ગમે છે ડેટ કરવા માટે નહીં. તાકતની સાથે સૌમ્ય પ્રતિભા ધરાવતા પુરુષોને સ્ત્રીઓ હંમેશા પહેલી પસંદગી આપે છે. હાલમાં થયેલા એક સર્વે અનુસાર દરેક મેચો પુરુષને ગમતી યુવતી નથી મળતી. ગુસ્સાવાળા પુરુષો સ્ત્રીઓ સાથે લાંબો સમય ટકી નથી શકતી.

3. સેક્સ ભૂખ્યા પુરુષો દૂર જ રહેશો: સામાન્ય રીતે પુરુષો સેક્સ માટે હંમેશા તૈયાર જ હોય છે. પણ જ્યારે જીવનસાથીની વાત આવે ત્યારે સ્ત્રીઓ આવા સેક્સ ભૂખ્યા પુરુષોથી દૂર જ રહે છે. કદાચ આવા પુરુષો માટે સેક્સ એ દરેક વસ્તુની ઉપર હોય છે. તેઓ સંબંધમાં સ્ત્રી કરતા પણ વધુ પ્રાધાન્ય સેક્સને આપતા હોય છે. જ્યારે સ્ત્રીઓ સેક્સ માત્ર પ્રેમ અને રોમાન્સ માટે કરતી હોય છે.

4. અતિશય સારા પુરુષો: દોસ્તાનામાં બોબી દેઓલ યાદ છે. સારાથી પણ વધુ સારા બનવાને કારણે ઘણીવાર પુરુષો સ્ત્રીઓની નજરમાં મજાક બનીને રહી જાય છે. યાદ રાખો કોઈપણ વસ્તુની અતિશયોક્તિ સારી નથી. સ્ત્રીઓને સજ્જન પુરુષોમાં પણ થોડીઘણી શરારત જોવી ગમતી હોય છે.

5. ગાળો બોલતા પુરુષો: પોતાના પુરુષો મિત્રોની સામે તમે ગમે તેવી ગાળો બોલીને બહુ સારા લાગતા હશો પણ સ્ત્રીઓને આ ગાળો સાંભળવી નથી ગમતી, બિલકુલ નહીં. આજની સ્ત્રીઓ આ પ્રકારના પુરુષોને પસંદ નથી કરતી જે વાતે વાતે ગાળો બોલતો હોય અથવા અપશબ્દો વાપરતો હોય.